បើករថយន្តបំផ្ទុះចូលសណ្ឋាគារ និងវិមានរដ្ឋសភា ស្លាប់និងរបួសជាង ៥០នាក់នៅសូម៉ាលី

2017-10-29 02:02:53
ចំនួនមតិ 0 | ចំនួនចែករំលែក 0

ចន្លោះមិនឃើញ

យ៉ាងហោចណាស់មនុស្សចំនួន ២៣នាក់ បានបាត់បង់ជីវិត និងជាង ៣០នាក់ផ្សេងទៀតបានរងរបួសបន្ទាប់ពីក្រុមភេរវកជ្រុលនិយម Al Shabaab បានបើកការវាយប្រហារ ២លើក ដោយប្រើរថយន្តអត្តឃាតនៅរដ្ឋធានី Mogadishu នៅថ្ងៃសៅរ៍ទី ២៨តុលា។

ការបំផ្ទុះលើកទីមួយបានសំដៅទៅលើសណ្ឋាគារ Nasahablod II Hotel ដ៏មមាញឹកមួយនៅសង្កាត់ Hamarweyne បង្កឲ្យមានផ្សែងខ្មៅយ៉ាងក្រាស់។ នៅរយៈពេលកន្លះម៉ោងទៀត ក៏មានរថយន្តគ្រាប់បែកទីពីរបានបំផ្ទុះនៅក្បែរវិមានរដ្ឋសភាចាស់នៅរដ្ឋធានីដដែល។

ភ្លាមៗក្រោមពេលបំផ្ទុះ ក្រុមជ្រុលនិយម Al-Shabaab បានប្រកាសថា ពួកគេជាអ្នកប្រព្រឹត្ត "យើងបានសំដៅទៅរកក្រុមរដ្ឋមន្ត្រី និងមន្ត្រីសន្តិសុខដែលកំពុងស្ថិតនៅក្នុងសណ្ឋាគារ"។ នេះបើតាមការបង្ហើបឲ្យដឹងរបស់អ្នកនាំពាក្យប្រតិបត្តិការយោធាលោក Abdiasis Abu Musab។

ការវាយប្រហារនេះ បានកើតឡើងប្រមាណតែជាង ២សប្ដាហ៍ បន្ទាប់ពីការវាយប្រហារទ្រង់ទ្រាយធំក្នុងប្រវត្តិសាស្ត្រកាលពីថ្ងៃទី ១៤តុលា ដោយបន្សល់ទុកអ្នកស្លាប់ជាង ៣០០នាក់៕