Ford ជះ ៦៧៥ លានដុល្លារ ប្រឡូកទីផ្សាររថយន្តអគ្គិសនីក្នុងប្រទេសចិន

2017-11-10 02:59:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Ford បានសម្រេចលើកិច្ចព្រមព្រៀងដ៏ធំមួយរវាងក្រុមហ៊ុនផលិតរថយន្តប្រទេសចិន Zotye Auto ក្នុងគោលបំណងហក់ចូលទីផ្សាររថយន្តអគ្គិសនី។ ដោយម្នាក់ៗមានភាគហ៊ុន ៥០ ភាគរយ ស្មើនឹងទឹកប្រាក់ ៧៦៥ លានដុល្លារ បច្ចុប្បន្នត្រូវរង់ចាំការព្រមព្រៀងពីរដ្ឋាភិបាលក្នុងស្រុកសិន មុនឈានដល់ការបើករោងចក្រក្នុងទីក្រុង Zhejiang ជាផ្លូវការ។

កិច្ចព្រមព្រៀងថ្មីនេះ កើតឡើងក្រោយពេលរដ្ឋាភិបាលចិន ប្រកាសពីលក្ខខណ្ឌបើក្រុមហ៊ុនក្រៅស្រុកណាមួយចង់បើករោងចក្រផលិតរថយន្តក្នុងប្រទេស ចាំបាច់ត្រូវរកដៃគូសហការក្នុងស្រុកឲ្យបានសិន។ ថ្វីបើក្នុងសេចក្ដីថ្លែងការណ៍លើកឡើងពីរថយន្តអគ្គិសនី ប៉ុន្តែ CNET បញ្ជាក់ថាការចាប់ដៃគូរវាងក្រុមហ៊ុនទាំង ២ ក៏អាចមានឱកាសផលិតមធ្យោបាយធ្វើដំណើរចល័តផ្សេងទៀតផងដែរ ដូចជា ម៉ូតូ, រថយន្តអគ្គិសនីផ្ទាល់ខ្លួនខ្នាតតូច និងសេវាដឹកជញ្ជូនផ្សេងទៀត។

កន្លងទៅកាលពីខែកញ្ញាកាសែត WSJ ធ្លាប់ចុះផ្សាយស្រដៀងគ្នា ទាក់ទងប្រទេសចិនចាប់ផ្ដើមបន្ធូរបន្ថយច្បាប់ក្នុងការបើកផ្លូវឲ្យក្រុមហ៊ុនក្រៅស្រុកមកវិនិយោគលើរថយន្តអគ្គិសនី ដូចជាក្រុមហ៊ុនកំពូល Tesla ប៉ុន្តែ Ford បានចុះ MOU ជាមួយ Zotye តាំងពីខែសីហាមកម្ល៉េះ។ ថ្វីបើ Ford មានឱកាសហក់ចូលក្នុងទីផ្សាររថយន្តធំបំផុតក្នុងលោក តែអាចរងសម្ពាធខ្លះ ស្របពេលគូប្រកួតខ្លួន ក្រុមហ៊ុន GM ក៏កំពុងអភិវឌ្ឍលើគម្រោងនោះជាបណ្តើរៗហើយ។

ប្រភព៖ theverge ប្រែសម្រួល៖ កៅ រក្សា