យន្តហោះដាំក្បាលចុះរត់ទាំងកកិតជាច្រើនម៉ែត្រ ធ្វើឲ្យអ្នកដំណើរព្រលឹងចុងសក់

2017-11-11 08:13:14
ចំនួនមតិ 0 | ចំនួនចែករំលែក 0

ចន្លោះមិនឃើញ

យន្តហោះដឹកអ្នកដំណើរមួយគ្រឿងរបស់ក្រុមហ៊ុន Flybe បានបង្ខំចិត្តហោះត្រឡប់ក្រោយ និងចុះចតនៅព្រលានអន្តរជាតិ Belfast ប្រទេសអង់គ្លេស បន្ទាប់ពីអ្នកបើកបររកឃើញថា យន្តហោះមិនអាចទម្លាក់ច្រមុះរបស់វាបាន។

បន្ទាប់ពីហោះក្រឡឹងព្រលានជាង ២ម៉ោង ដើម្បីឲ្យអស់ប្រេង (ខ្លាចផ្ទុះឆេះខ្លាំង) អ្នកបើកបរ បានសម្រេចបញ្ជាយន្តហោះប្រភេទ Bombardier Q-400 ចុះចតនៅម៉ោង ១៖៣០នាទី រសៀលថ្ងៃ ១០ វិច្ឆិកា។ ពេលចុះមកដល់ដី ច្រមុះយន្តហោះកកិតនឹងថ្នល់កៅស៊ូជាច្រើនម៉ែត្រ សំណាងល្អមិនបង្កជាអគ្គីភ័យ តែមនុស្សលើយន្តហោះភ័យបុកពោះគ្រប់គ្នា។

អ្នកដំណើរទាំងអស់មានចំនួន ៥២នាក់ ក្នុងនោះមានទារកម្នាក់ និងក្រុមក្រុមការងារ ៤នាក់ផ្សេងទៀត អំឡុងពេលធ្វើដំណើរទៅកាន់ទីក្រុង Inverness។ ក្រុមហ៊ុនអាកាសចរណ៍បានបញ្ជាក់ថា មានអ្នកដំណើរម្នាក់ប៉ុណ្ណោះបានរងរបួស និងត្រូវបានគេបញ្ជូនទៅមន្ទីរពេទ្យជាមួយរបួសស្រាល។

យន្តហោះមានហោះចេញពីទីក្រុង Belfast នៅម៉ោង ១១៖០៧ព្រឹក ឆ្ពោះទៅកាន់ទីក្រុង Inverness តែហោះចេញមិនបានប៉ុន្មានផង យន្តហោះជួបបញ្ហា ក៏ត្រលប់បកក្រោយវិញតែម្ដង។ ក្រុមហ៊ុនបានបញ្ជូនអ្នកជំនាញទៅត្រួតពិនិត្យយន្តហោះរកមើលមូលហេតុហើយ៕