កម្ពុជា​នឹងមាន​រថភ្លើង​លើអាកាស​ល្បឿន​លឿន​មុនឆ្នាំ​ ២០២៣

  • 2017-11-19 07:10:00
  • ចំនួនមតិ

ចន្លោះមិនឃើញ

​​គម្រោង​សាងសង់​រថភ្លើងស្វ័យ​ប្រវត្តិលើ​អាកាស​ល្បឿន​លឿន​ (AGT)  ដំបូង​នៅ​កម្ពុជា​ គ្រោងនឹងលេចរូបរាងមុនឆ្នាំ ២០២៣ ខណៈការសិក្សានឹងបញ្ចប់ជាស្ថាពរនៅក្នុងពេលឆាប់ខាងមុខនេះ។

(រូបតំណាង)

ក្រោយ​ជប៉ុន​យល់​ព្រមជួយ​កម្ពុជា​សាងសង់​រថភ្លើង​ល្បឿន​លឿន​លើអាកាស​តម្លៃ​ ​៨០០លាន​ដុល្លារ​ កាល​ពីខែ​សីហា​កន្លង​ទៅ​ ​តាម​ប្រភព​ពត៌មាន​ពីក្រសួង​សាធារណ​ការ​ ​តាមរយៈ​ឯកឧត្តម​ ស៊ុន ​ចាន់ថុល​ ដែល​បានទៅ​ទស្សនកិច្ច​នៅ​ប្រទេស​ជប៉ុន​កាលពីថ្មី​ៗនេះ​ ​បាន​បញ្ចេញ​ដំណឹង​បន្ថែម​ថា​ ​តាមការ​គ្រោងទុក​ កម្ពុជាគួរតែមានប្រព័ន្ធAGT ដែល​អាច​ដំណើរការ​បានមុន​ខ្លួនធ្វើជា​ម្ចាស់ផ្ទះកីឡា​ស៊ីហ្គេម​នៅឆ្នាំ​២០២៣​ខាងមុខ​។ ​

គួរ​បញ្ជាក់​ថា ប្រព័ន្ធAGT​នេះ ​គឺជារថភ្លើងធុន​ស្រាលមួយ​ធ្វើចរាចរណ៍​យ៉ាងស្ងាត់​ដោយ​ប្រើសំបក​កង់​កៅស៊ូ ​កាត់បន្ថយ​សំឡេង​រំខាន​ និង​រំញ័រ​ដែលមាន​ល្បឿន​អតិបរមា​ចំនួន​៦០គីឡូម៉ែត្រ​។ បច្ចុប្បន្ន​ ​អង្គការJICA ក៏បាន​បញ្ជូនក្រុម​ការងារមួយក្រុម​ដើម្បី​ធ្វើការ​សិក្សា​លទ្ធភាព​ស្តីពីប្រព័ន្ធ​ប្រតិបត្តិ​រថភ្លើង​AGT ដែល​គ្រោង​នឹងបញ្ចប់​ក្នុងពេល​ឆាប់ៗ​នេះ​។

​ជាមួយ​គ្នានោះ​ ជប៉ុន​បាន​និង​កំពុងសិក្សា​គម្រោង​រថភ្លើង​ស្វ័យ​ប្រវត្តិ​លើ​អាកាស​ចំនួន​ ៣ខ្សែ​៖

  • ខ្សែទី​ ១ ​ចាប់​​ពី ​មហាវិថី​កម្ពុជា​ក្រោម​ មហាវិថី​ព្រះមុនីវង្ស ​មហាវិថី​សហព័ន្ធ​រុស្ស៊ី​ និង​រង្វង់​មូល​ចោម​ចៅ
  • ខែ្សទី​ ២៖ ​ចាប់ពី​ ​មហាវិថី​ព្រះមុនីវង្ស​ ​រត់​ស្រប​ផ្លូវរថ​ភ្លើង​ ​រួច​បត់​ឆ្វេង​តាម​ ​ផ្លូវ​តាំង​កសាង​ ចូល​អាកាស​យានដ្ឋាន​អន្តរជាតិ​ភ្នំពេញ​
  • ខ្សែទី​៣ ​ចាប់ពីផ្សារថ្មី ​មហា​វិថីហ្សាឌឺហ្គោល​ មហាវិថី​ព្រះមុនីរ៉េត​ ផ្លូវវេង​ស្រេង​ រង្វង់​មូល​ចោមចៅ ​បត់​មក​អាកាស​យានដ្ឋាន​អន្តរជាតិ​ភ្នំពេញ​៕

អត្ថបទ៖ ស៊ិន សាវ៉េត