ចូលដល់ខែរងាភ្លាម តារាថៃ ៥គូ សម្រេចរៀបការបញ្ចប់ភាពនៅលីវតែម្ដង

2017-11-19 23:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងសង្គមសិល្បៈថៃ នារយៈពេលចុងក្រោយនេះ មានព័ត៌មានក្ដៅៗជាច្រើន ជាពិសេសដំណឹងមង្គលរបស់តារាល្បីៗ។ ក្នុងចំណោមនោះ តើមានតារាប្រុសស្រីណាខ្លះ ដែលបានកាន់ដៃគ្នាចូលរោងការ កាលពីពេលថ្មីៗនេះ ផ្អើលអស់អ្នកគាំទ្រទាំងក្នុង និងក្រៅប្រទេស? ដូចនេះសូមទស្សនាដូចខាងក្រោម៖

១. តារាសម្ដែង Peck Premmanat និង New Napassorn

គូស្នេហ៍ទាំង ២បានរៀបការកាលពីថ្ងៃទី ០១ ខែវិច្ឆិកា ឆ្នាំ ២០១៧ ហើយមង្គលការតារាគូនេះ ត្រូវបានរៀបចំយ៉ាងពិសេសបំផុតនៅកណ្ដាលវាលស្រែ ក្នុងខេត្តឈៀងម៉ៃ។

២. តារាសម្ដែង Noom និង Gaem Gavinta

អ្នកទាំង ២បានទាក់ទងស្រឡាញ់គ្នា អស់រយៈពេលជាង ១៤ឆ្នាំមកហើយ តែទើបសម្រេចចិត្តរៀបការកាលពី ថ្ងៃទី ០២ ខែវិច្ឆិកា ឆ្នាំ ២០១៧។

៣. តារាសម្ដែង Fluke Jira និង Apple

កាលពីថ្ងៃទី ០៣ ខែវិច្ឆិកា Fluke បានធ្វើឲ្យអ្នកគាំទ្រទាំងអស់ភ្ញាក់ផ្អើលជាខ្លាំង ពេលកាន់ដៃមិត្តស្រីដ៏ស្រស់ស្អាតគឺតារាម៉ូដែលជនជាតិឡាវ ឈ្មោះ Apple ចូលរោងការដែលរៀបចំឡើង យ៉ាងអធិកអធម។

៤. តារាសម្ដែង Plug និង Punch Worakarn

ដោយឡែកកាលពីថ្ងៃទី ០៥ ខែវិច្ឆិកា តារាស្រី Punch Worakarn បានរៀបការជាមួយមិត្តប្រុសជាទីស្រឡាញ់ ក្រោយទាក់ទងគ្នាអស់រយៈពេលជាង ៨ឆ្នាំ។

៥. តារាសម្ដែង Auan Rungsit និង Park Yeon Seon

ចំពោះមង្គលការគូស្នេហ៍គូនេះ ក៏ល្បីសុសសាយដែរ ខណៈកូនក្រមុំដ៏ស្រស់ស្អាតរបស់ Auan គឺជាតារាម៉ូដែលជនជាតិកូរ៉េ មានឈ្មោះថា Park Yeon Seon។ ពួកគេបានរៀបការជាមួយគ្នានៅថ្ងៃទី ០៥ ខែវិច្ឆិកា ឆ្នាំ ២០១៧ នៅក្នុងទីក្រុង Bucheon ប្រទេសកូរ៉េខាងត្បូង៕

ប្រភព៖ Sudsapda ប្រែសម្រួល៖ យី សុធារី