រំជួលចិត្ត! ទោះកំពុងបៀមទុក្ខធំក្ដីី ក៏ Benz ខំធ្វើរឿងពិសេសដាក់ប្រពន្ធ ចំថ្ងៃខួបរៀបការ១ឆ្នាំ

2017-11-21 09:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយឃើញអ្វីដែល តារាស្រីកូន ១ Pat Napapa បង្ហោះនូវរូបភាព អមជាមួយពាក្យពេចន៍ខ្លះ អ្នកគាំទ្រជាច្រើនពិតជាមានអារម្មណ៍ក្ដុកក្ដួលគ្រប់គ្នា។

ជាក់ស្ដែងកាលពីថ្ងៃទី ២០ ខែវិច្ឆិកាម្សិលមិញ គឺជាខួបអាពាហ៍ពិពាហ៍គម្រប់ ១ឆ្នាំរបស់ Pat និងស្វាមី Benz Racing។ ទោះបីជានៅឆ្ងាយពីគ្នាយ៉ាងណាក្ដី ក៏ Benz ជាប្ដីមិនភ្លេចប្រពន្ធកូន ជាពិសេសថ្ងៃដ៏មានអត្ថន័យនេះដែរ។

ក្នុងឱកាសដ៏មានន័យនេះដែរ តារាស្រី Pat Napapa បានបង្ហោះរូប១សន្លឹករបស់ខ្លួន ដោយមានបាច់ផ្កានៅដៃ អមជាមួយសំណេរដ៏មានន័យលើគណនី Instagram ថា៖ "ថ្ងៃនេះគឺជាខួបអាពាហ៍ពិពាហ៍គម្រប់ ១ឆ្នាំ @benzracing ស្រឡាញ់ណាស់! អរគុណដែលមិនភ្លេចក្មេងស្រីម្នាក់នេះ! អរគុណសម្រាប់ការជួយជ្រោមជ្រែងកន្លងមក”។

ក្រោយបានឃើញសារនេះហើយ អ្នកដែលតែងស្រឡាញ់គាំទ្រ នាងពិតជាអារម្មណ៍ក្ដុកក្ដួល ព្រមជាមួយការអាណិត ស្ទើរស្រក់ទឹកភ្នែកទៀតផង។

កន្លងមក អស់រយៈពេលជិត១ឆ្នាំ គូស្នេហ៍១នេះបានជួបរឿងរ៉ាវស្មុគស្មាញជាច្រើន។ ដោយក្នុងនោះ Benz បានជាប់ក្ដីក្ដាំពាក់ព័ន្ធនឹង រឿងជួញដូរគ្រឿងញៀន ជាហេតុនាំឲ្យលោក ត្រូវប៉ូលិសនាំគ្នា ទៅឃុំឃាំងបែកឆ្ងាយពីប្រពន្ធកូនជាទីស្រឡាញ់។

ទោះត្រូវបែកគ្នាយ៉ាងណាក្ដី ក៏ក្ដីស្រឡាញ់ និងការនឹករលឹកចំពោះគ្នា នៅតែមានជាដរាប សម្រាប់គ្រួសារតូចមួយនេះ៕

ប្រភព៖ jaizaa ប្រែសម្រួល៖ យី សុធារី