ធឿន ធារ៉ា សង្ឃឹមថាខ្លួនឯងនឹងល្បីថែមទៀតក្រោយយកឈ្នះអ្នកប្រដាល់ជួរមុខ រឿង សុភ័ណ្ឌ

ពុធ, 29 វិច្ឆិកា 2017 03:20
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករវ័យក្មេងទើបលេចមុខលើសង្វៀនក្នុងស្រុក ធឿន ធារ៉ា សង្ឃឹមថានឹងល្បីឈ្មោះនៅពេលខាងមុខបន្ទាប់ពីយកឈ្នះសិស្សច្បង រឿង សុភ័ណ្ឌ ក្នុងព្រឹត្តិការណ៍ជ្រើសរើសជើងឯកថ្នាក់ជាតិម្សិលមិញនេះ។

កីឡាករ ធឿន ធារ៉ា

ធឿន ធារ៉ា បានឲ្យដឹងថា ការប៉ះជាមួយសិស្សច្បងដែលជាជើងខ្លាំងជួរមុខរបស់កម្ពុជាម្សិលមិញនេះ ពិតជាពិបាកខ្លាំងទម្រាំអាចយកឈ្នះបាន រឿង សុភ័ណ្ឌ ជាកីឡាករដៃធ្ងន់ និងរឹងមាំ មិនងាយវ៉ៃយកឈ្នះនោះទេ។

កីឡាករ រឿង សុភ័ណ្ឌ ខៀវ

តាមរយៈជ័យជម្នះម្សិលមិញនៅវិហារសួគ៌នេះ អ្នកប្រដាល់វ័យ១៩រូបនេះរំពឹងមានកេរ្តិ៍ឈ្មោះដូចអ្នកប្រដាល់ដ៏ទៃទៀត ហើយគេនឹងខំប្រឹងព្យាយាមធ្វើឲ្យបានល្អថែមទៀត។ អ្នកប្រដាល់មកពីខេត្តព្រៃវែងខាងលើក៏សូមអរគុណដល់អ្នកគាំទ្រខ្លួនជានិច្ចមិនថានៅសង្វៀនក្នុងស្រុក ឬនៅប្រទេសថៃនោះទេ។

កីឡាករ ធឿន ធារ៉ា ក្រហម

ធឿន ធារ៉ា ជាអ្នកប្រដាល់មកពីក្លឹបក្រសួងកសិកម្ម ហើយគេជាជើងខ្លាំងម្នាក់ដែលតែងតែបង្ហាញមុខនៅសង្វៀនឯងប្រទេសថៃនាពេលកន្លងមក។ ម្សិលមិញកីឡាករម្នាក់នេះយកឈ្នះជើងអ្នកលេងកណ្ដាប់ដៃ រឿង សុភ័ណ្ឌ ដោយពិន្ទុក្នុងព្រឹត្តិការណ៍ជ្រើសរើសជើងឯកថ្នាក់ជាតិ ២០១៧ នេះ៕

អត្ថបទ៖ នួន ស៊ីណា