សារដំបូងបំផុតរបស់ពិភពលោកផ្ញេីរចេញកាលពី ២៥ ឆ្នាំមុន អានហេីញរំជួលចិត្ត

2017-12-05 00:14:16
ចំនួនមតិ 0 | ចំនួនចែករំលែក 0

ចន្លោះមិនឃើញ

សារដំបូងបង្អស់ក្នុងពិភពលោក បង្កើតឡើងនាថ្ងៃទី ៣ ធ្នូ ឆ្នាំ ១៩៩២ ដោយវិស្វករកម្មវិធីឈ្មោះ Neil Papworth បានផ្ញើពាក្យ Merry Christmas ចេញពីម៉ាស៊ីនកុំព្យូទ័រទៅកាន់ទូរសព្ទដៃរបស់នាយកក្រុមហ៊ុន Vodafone លោក Richard Jarvis។ នេះជាខួបទី ២៥ ឆ្នាំ នៃការបង្កើតឡើងនូវ Text Message។

នាខែមិថុនាឆ្នាំ ២០០០ ការផ្ញើសារ Text Message មានត្រឹម ១២ លានសារប៉ុណ្ណោះក្នុងមួយខែៗនៅទឹកដីអាមេរិក ចូលមួយទសវត្សរ៍ក្រោយមកនាខែដដែលឆ្នាំ ២០១៧ ចំនួនសារផ្ញើចេញចូលកើនឡើងដល់ ៧៨១ ប៊ីលានដងឯណោះ។ ថ្វីបើការផ្ញើសារទទួលបានការពេញនិយមខ្ពស់ តែក៏នៅចាញ់បណ្ដាញសង្គមរីកដូចផ្សិត មានដូចជា WhatsApp, Facebook Messenger និង iMessage ដែលអាចអនុញ្ញាតឲ្យអ្នកប្រើប្រាស់ រីករាយនឹងមុខងារពិសេសៗផ្សេងទៀត។

រំឭកថាមុននឹងមានស្មាតហ្វូនមនុស្សត្រូវប្រើទូរសព្ទដៃបញ្ជាដោយប៊ូតុង ក្នុងការបញ្ចូលអក្សរ ខុសពីការចុចលើអេក្រង់នៃស្មាតហ្វូនសព្វថ្ងៃ។ ប្រព័ន្ធនោះឲ្យឈ្មោះ T9 ដែលតំណាងឲ្យអក្សរលើប៊ូតុងទាំង ៩ មុនមានការវិវត្តចូលស្មាតហ្វូនប្រើក្ដារចុច QWERTY (មានលើ BlackBerry, Moto Q) រហូតដល់ការប្រើ Touch Screen បច្ចុប្បន្ន។