បារមីលោកយាយក្រពុំឈូកនៅភ្នំស្អាង ល្បីថាធ្លាប់ចូលរូបមនុស្ស៣នាក់

2017-12-08 04:23:54
ចំនួនមតិ 0 | ចំនួនចែករំលែក 0

ចន្លោះមិនឃើញ

តាំងពីបុរាណកាលមក ប្រជាជនខ្មែរតែងមានជំនឿលើបារមីអារក្សអ្នកតាប្រចាំតំបន់ណាមួយ ដែលបារមីនេះមានឥទ្ធិពលចំពោះមនុស្សណាដែលមាននិស្ស័យនិងថាមពលពីកំណើត។ ជាមួយគ្នានេះ Sabay បានទៅដល់ភ្នំស្អាង ស្ថិតក្នុងស្រុកស្អាង ខេត្តកណ្ដាល ដែលមានដួងព្រលឹងលោកយាយក្រពុំឈូកតាំងទីសក្ការៈនិងមានឫទ្ធិអំណាចមួយរូប បានចូលសន្ធិតមនុស្សចំនួន ៣នាក់ នេះបើតាមការអះអាងរបស់លោកតាអាចារ្យប្រចាំការនៅទីនោះ។

លោកតាអាចារ្យឈ្មោះ យឹម លីង រស់នៅក្នុងភូមិពាមសិលា ឃុំស្អាងភ្នំស្រុកស្អាង ខេត្តកណ្ដាល បានឲ្យដឹងថា លោកយាយក្រពុំឈូក បានចូលរួបមនុស្សចំនួន ៣នាក់ ស្ថិតនៅតំបន់ផ្សេងៗគ្នា។ លោកតាបន្តថា៖ «មួយរស់នៅក្នុងភូមិព្រៃខ្មែរ ប៉ុន្តែមិនប៉ុន្មានគាត់កាន់អត់បាន ក៏សុំលាលែងពីលោកយាយក្រពុំឈូកវិញ។ នៅសល់ពីរូបទៀតអាយុប្រហែល ៨០ឆ្នាំ សព្វថ្ងៃគាត់រស់នៅប្រទេសបារាំង និងចុងក្រោយគឺរស់នៅលុងក្ងាន»។

លោកយាយពីររូបដែលស្នងរូប លោកយាយក្រពុំឈូកបានផ្ដល់លាភសក្ការៈកសាងដល់វត្តភ្នំស្អាងច្រើនគួរសមដែរ តួយ៉ាងលោករស់នៅប្រទេសបារាំងបានបារមីបានថែរក្សា និងមានទ្រព្យសម្បតិ្តធូរធារ និងមួយរូបទៀត ធ្វើជាគ្រូទស្សន៍ទាយដីធ្លី។ នេះបើតាមការបញ្ជាក់ពីអាចារ្យខាងលើ៕

អត្ថបទ៖ ស៊ិន សាវ៉េត