រឿង "Star Wars: The Last Jedi " ចាក់បញ្ចាំងជាផ្លូវការនៅកម្ពុជា

2017-12-13 04:59:47
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿង Star Wars: The Last Jedi ត្រូវបានសម្ពោធចាក់បញ្ចាំងជាផ្លូវការនៅប្រទេសកម្ពុជាកាលពីយប់មិញនេះ។

កាលពីល្ងាចថ្ងៃអង្គារទី ១២ ខែធ្នូ ខ្សែភាពយន្តដ៏ល្បី “Star Wars ចេដាយចុងក្រោយ" ត្រូវបានសម្ពោធបញ្ចាំងជាផ្លូវការនៅរោងភាពយន្ត លេជេនទួលគោក ដែលចូលរួមទស្សនាពីសំណាក់ទស្សនិកជនជាច្រើនកុះករ។

ដូចដែលប្រិយមិត្តធ្លាប់តាមដានរឿងនេះក្នុងភាគមុនៗរួចមកហើយ ថារឿងនេះល្អមើលយ៉ាងណា។ ឈានចូលដល់ភាគថ្មីនេះវិញ ក៏មិនចាញ់ភាគមុនៗប៉ុន្មានទេ ថែមទាំងស្ទើរមិនគួរឲ្យជឿថារឿងនេះជារឿងដែលគេប្រឌិតឡើងនោះទេ។ ជាក់ស្ដែង កាលពីយប់មិញនេះ ទស្សនិកជនដែលបានចូលរួមទស្សនាពិតជាជក់ចិត្តដិតអារម្មណ៍ជាមួយភាពយន្តបែបវិទ្យាសាស្ត្រនេះជាខ្លាំង។ សម្រែកហ៊ោកញ្ជ្រៀវ លាយឡំនឹងការទះដៃអបអរ គឺផ្ទុះឡើងកងរំពងពេញរោងភាពយន្ត។

រឿង “Star Wars ចេដាយចុងក្រោយ" ដែលមានរយៈពេល ១៥២នាទី នេះ ពិតជាមិនធ្វើឲ្យទស្សនិកជនខកចិត្តនោះទេ។ សាច់រឿងទាំងមូលគឺពិតជាពោពេញទៅដោយឆាកប្រយុទ្ធដ៏អស្ចារ្យនៅលើលំហកាឡាក់ស៊ីចាប់តាំងពីឈុតដំបូង។ អាចនិយាយបានថារឿងនេះស្ថិតក្នុងចំណោមរឿងមួយដែលមិនគួររំលងក្នុងការទស្សនាឡើយ ហើយប្រិយមិត្តអាចទស្សនាបានតាមរោងភាពយន្តទំនើបៗក្នុងព្រះរាជាណាចក្រកម្ពុជា ចាប់ពីថ្ងៃ ១៤ ខែធ្នូ ឆ្នាំ ២០១៧តទៅ៕

ទស្សនាទិដ្ឋភាពល្ងាចមិញទាំងអស់គ្នា៖