Real បុកម្ចាស់ផ្ទះ Al Jazira ដូចព្យុះ ទីបំផុតបានឡើងផ្ដាច់ព្រ័ត្រ Club World Cup
- 2017-12-14 01:54:14
- ចំនួនមតិ 0 | ចំនួនចែករំលែក 0
Real បុកម្ចាស់ផ្ទះ Al Jazira ដូចព្យុះ ទីបំផុតបានឡើងផ្ដាច់ព្រ័ត្រ Club World Cup
ចន្លោះមិនឃើញ
ក្រុមតំណាងឲ្យទ្វីបអឺរ៉ុប Real Madrid បានយកឈ្នះក្រុមម្ចាស់ផ្ទះអារ៉ាប់រួម Al Jazira ក្នុងលទ្ធផល ២-១ ក្នុងព្រឹត្តិការណ៍ Fifa Club World Cup បានឡើងទៅវគ្គផ្ដាច់ព្រ័ត្រ។
តាំងពីនាទីទីមួយ ត្បិតក្រុមភ្ញៀវដាក់សម្ពាធយ៉ាងលើសលុប តែម្ចាស់ផ្ទះទៅវិញទេ ដែលជាអ្នករកគ្រាប់បាល់បានមុនដោយកីឡាករប្រេស៊ីល Romarinho នាទី៤១។ ឈានដល់វគ្គទីពីរ តារាឆ្នើម Cristiano Ronaldo បានទាត់បញ្ចូលទីយ៉ាងល្អតាមបានស្មើវិញនាទី៥៣។ ផ្កាយសំណាង Gareth Bale គ្រាន់តែប្ដូរចូលនាទី៨១ជំនួស Benzema ភ្លាម ប៉ះបាល់លើកដំបូងក៏រកបានមួយគ្រាប់ ជួយ Madrid រកបានជ័យជម្នះភ្លាមតែម្ដង។
ក្រោយចប់ការប្រកួតមើលតាមស្ថិតិ Real Madrid គ្រប់គ្រងបាល់ដល់ទៅ៧៥% មានឱកាសទាត់បាល់ជ្រុង១៩ដង និងស៊ុតចំទីបាន១០ដង ខណៈ Al Jazira មានឱកាសស្ដួចស្ដើងបំផុត។ Real Madrid ត្រូវឡើងប្រកួតវគ្គផ្ដាច់ព្រ័ត្រជួបជាមួយក្រុមតំណាងឲ្យតំបន់អាមេរិកខាងត្បូង Grêmio នៅថ្ងៃទី ១៦ ខែ ធ្នូ ឆ្នាំ ២០១៧នេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
