រន្ធត់! Jonghyun សមាជិក SHINee ទទួលមរណភាព នៅមុននេះបន្តិច

2017-12-18 11:01:03
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Jonghyun ដែលជាសមាជិកក្រុម SHINee ត្រូវបានប៉ូលិសបញ្ជាក់ថាបានស្លាប់បាតបង់ជីវិតនៅរសៀលថ្ងៃនេះ។

ប៉ូលិសបាននិយាយថា៖ "ពួកយើងទទួលស្គាល់ការស្លាប់របស់ Jonghyun ពួកយើងមិនទាន់បានទទួលព័ត៌មានពីអ្នកដែលពាក់ព័ន្ធក្នុងរឿងនេះនៅឡើយទេ ហើយពួកយើងនៅតែបន្តការស៊ើបអង្កេតឲ្យបានដិតដល់ បំផុតទាក់ទងនឹងការស្លាប់របស់តារាចម្រៀងរូបនេះ"។

បើតាមវិបសាយព័ត៌មាន Kookje News ក៏បានឲ្យដឹងដែរថា៖ "លោកត្រូវគេបញ្ជូនទៅមន្ទីរពេទ្យភ្លាមៗ ប៉ុន្តែពួកយើងបានទទួលដំណឹងថាលោកផុតដង្ហើមទៅហើយ"។

វិបសាយមួយទៀតបានបញ្ជាក់ដែរថា៖ " Jonghyun ត្រូវបានគេប្រទះឃើញនៅម៉ោង ៦ល្ងាច (ម៉ោងនៅប្រទេសកូរ៉េ) ថ្ងៃទី១៨ ខែធ្នូនេះនៅអគារស្នាក់នៅរបស់លោកផ្ទាល់ដែលមានទីតាំងនៅតំបន់ Gangnam-Gu, Chungdam-Dong ដោយសារដុតធ្យូងគីមីចោល ហើយលោកបានស្រូបជាតិពុលលើសកម្រិតពេក។ តារាចម្រៀងរូបនេះក៏ត្រូវបានបញ្ជូនទៅមន្ទីរពេទ្យភ្លាមៗ ប៉ុន្តែមិនទាន់ពេលវេលា"។

ចំណែកខាងផលិតកម្ម SM Entertainment មិនទាន់បានប្រកាសពីព័ត៌មានពាក់ព័ន្ធនឹងការស្លាប់របស់លោកនៅឡើយទេ ប៉ុន្តែខាងសាច់ញាតិរបស់ Jonghyun ផ្ទាល់ បានទទួលស្គាល់ថា លោកពិតជាបានទទួលមរណភាពពិតមែន នៅមុននេះបន្តិច៕

ប្រភព៖ Koreaboo ប្រែសម្រួល៖ អន សុភក្ត្រា