Thibau Courtois ថា កម្រិតនៅ Real Madrid ខ្ពស់ជាង Chelsea
- 2018-09-04 02:36:32
- ចំនួនមតិ 0 | ចំនួនចែករំលែក 0
Thibau Courtois ថា កម្រិតនៅ Real Madrid ខ្ពស់ជាង Chelsea
ចន្លោះមិនឃើញ
ក្រោយផ្លាស់ទ្រនំរួមរស់ជាមួយក្លឹបថ្មីមួយរយៈអ្នកចាំទី Thibau Courtois បង្ហើបឲ្យដឹងថា នៅ Real Madrid មានស្តង់ដារខ្ពស់ជាងក្លឹបចាស់ខ្លួន Chelsea។
អ្នកចាំទីវ័យ២៦ឆ្នាំបានផ្ទេរមកកាន់កីឡដ្ឋាន Bernabeu កាលពីខែមុនក្នុងតម្លៃ៣៨លានផោន។ ការចាកចេញនេះដោយសារតែ Courtois អស់អារម្មណ៍លេងជាមួយ Chelsea ជាពិសេសនឹកនាប្រពន្ធកូន ដែលកំពុងរស់នៅប្រទេសអេស្ប៉ាញ។ គេក៏សង្ឃឹមថា ថ្ងៃណាមួយមិត្តរួមជាតិ Eden Hazard នឹងអាចមកចូលរួមលេងជាមួយគេ។
មកលេងឲ្យក្លឹបថ្មី Courtois បានប្រៀបធៀបជាមួយក្លឹបចាស់ថា៖ “ពេលហ្វឹកហាត់ យើងអាចឃើញថា កម្រិតនៅ Real Madrid គឺខ្ពស់ជាង។ ឥលូវនេះខ្ញុំកំពុងជួបប្រទះរាល់ថ្ងៃគឺបានហាត់ជាមួយ Ramos ដែលជាខ្សែការពារល្អជាងគេលើលោក។ កម្រិតនៅ Real Madrid គឺខ្ពស់ជាងនៅ Chelsea”។
ត្បិតជាអ្នកចាំទីមានសមត្ថភាពខ្ពស់ តែ Thibau Courtois មិនទាន់បានដណ្ដើមតំណែងដៃទីមួយពី Keylor Navas នៅឡើយទេ ខណៈទើបបានបង្ហាញខ្លួនមួយប្រកួត កាលពីសប្ដាហ៍មុន៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
