គ្រូប៉ូលិស ៖ ក្លឹបយើងមិនល្បី ដូច្នេះប៉ះការពារជាតិកីឡាករទាំងអស់ត្រូវតែប្រឹងឲ្យខ្លាំង

2018-09-04 02:55:28
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក សារ៉េត ស៊ីដន គ្រូជំនួយរបស់ក្លឹបប៉ូលិសមើលឃើញក្លឹបរបស់ខ្លួនមិនល្បី ដូចក្រសួងការពារជាតិ ដូច្នេះប៉ះក្លឹបនេះនៅវគ្គផ្ដាច់ព្រ័ត្រ Hun Sen Cup 2018 ថ្ងៃទី៦ ខែតុលា កីឡាកររបស់លោកត្រូវតែប្រឹងប្រែងឲ្យបានខ្លាំងបំផុតដើម្បីស្វែងរកលទ្ធផលល្អ។

លោក សារ៉េត ស៊ីដន

ក្រសួងការពារជាតិ នឹងប៉ះប៉ូលិសដើម្បីដណ្ដើមជើងឯកពានរង្វាន់ Hun Sen Cup 2018 នៅពហុកីឡដ្ឋានជាតិ។ ទាក់ទងការប្រកួតនេះគ្រូបង្វឹកខាងលើបានឲ្យដឹងថា សម្រាប់ក្រុមទាំងពីរកីឡាករកម្ពុជាមិនមានភាពខុសប្លែកគ្នាច្រើនទេ ទាំងគុណភាពកីឡាករ និងកម្រិតនៃការលេង។ ប៉ុន្តែដោយសារក្រុមរបស់លោកមិនសូវល្បីឈ្មោះដូចក្លឹបធំៗ ដូច្នេះកីឡាករទាំងអស់ត្រូវតែប្រឹងប្រែងលេងឲ្យអស់ពីកម្លាំងកាយចិត្ត ដើម្បីសាងប្រវត្តិសាស្ត្រដូចឆ្នាំ២០១៤ ដែលធ្លាប់ឈ្នះជើងឯកព្រឹត្តិការណ៍នេះ។

លោកបន្ថែមថា សមត្ថភាពកីឡាករកម្ពុជារបស់លោកនៅស្ទើរតំបន់ប្រយុទ្ធ ដែលត្រូវការ ការពង្រឹងសមត្ថភាពបន្ថែមទៀត។ ជាងនេះទៅទៀតក្រុមរបស់លោក នឹងធ្វើការប្រមូលផ្ដុំហ្វឹកហាត់ជាជាពិសេសមួយ ដើម្បីត្រៀមលេងប្រកួតដ៏សំខាន់នេះ។ លោកបញ្ជាក់ទៀតថា ទោះក្លឹបលោកមិនល្បីប៉ុន្តែក្លឹបធំៗដែលកំពុងស្ថិតក្នុងតំបន់ Top 4 ក៏មិនប្រាកដថា អាចឈ្នះក្រុមរបស់ខ្លួន ១០០% នោះដែរ។

សូមបញ្ជាក់ថា ប៉ូលិសបានឡើងមកកាន់វគ្គផ្ដាច់ព្រ័ត្រ Hun Sen Cup 2018 ដោយទម្លាក់ អង្គរ Tiger ២-០ ស្របពេលក្រុមក្រសួងការពារជាតិឡើងមកកាន់វគ្គផ្ដាច់ព្រ័ត្រនេះដោយទម្លាក់ណាហ្គាវើល ៣-១ ៕