ឡូយ...! ជើងខ្លាំង Ninja ក្លាយជា Gamer ដំបូងក្នុងលោក ជាប់លើក្របមុខនៃទស្សនាវដ្ដីល្បីឈ្មោះ

2018-09-20 12:21:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បោះផ្សាយលើទស្សនាវដ្ដី ESPN The Magazine ធ្លាប់តែជាប់រូបភាពកីឡាករវាយកូនបាល់ កីឡាករបាល់ទាត់ឬបាល់បោះ ប៉ុន្តែភាគថ្មីនេះស្តេចហ្គេម Esport ឲ្យរហស្សនាម Ninja នឹងជាប់លើក្របមុខជាលើកដំបូងបង្អស់ក្នុងប្រវត្តិសាស្ត្រអ្នកលេងហ្គេមហើយត្រៀមដាក់លក់លើបញ្ជរចាប់ពីថ្ងៃទី ២១ កញ្ញា។ នេះបើយោងតាម ESPN បញ្ជាក់កាលពីថ្ងៃអង្គារ។

So excited to the first professional gamer to be featured on @espn the Magazine. Cover and profile will be shown on Sports Center tomorrow in the 7 AM EST hour. pic.twitter.com/gzlSJihroM

— Ninja (@Ninja) September 18, 2018

លោក Tyler Blevins ក្រៅពីជាកីឡាករ Esport ឈរលើកំណត់ត្រាពិសេសនេះ ទៀតសោតក៏ជាអ្នកផ្សាយផ្ទាល់លើ Twitch ទីមួយក្នុងលោករកបាន Follower ច្រើនជាង ១០ លាននាក់ តាមរយៈការលេងហ្គេម Fortnite ជាមួយអ្នក Rap ល្បីឈ្មោះហៅ Drake។ កាលពីខែមិថុនាកន្លងទៅ បុរសសញ្ជាតិអាមេរិកក៏ជាប់ក្នុងបញ្ជីបុគ្គលមានឥទ្ធិពលខ្លាំងបំផុតទាំង ១០០ លើប្រព័ន្ធអ៊ីនធឺណិតពី Time។

រំឭកថាការប្រកួត Esport កាន់តែទទួលបានការពេញនិយមខ្លាំងនាឆ្នាំ ២០១៨ ដោយតាមការរំពឹងទុកចំណូលនឹងមានការកើនឡើងដល់ ៩០០ លានដុល្លារ ។ មិនខុសអ្វីពីក្រុមហ៊ុន Epic Games អ្នកផលិត Fortnite ក៏ធ្លាប់បង្ហើបថានឹងត្រៀមប្រាក់រង្វាន់ ១០០ លានដុល្លារសម្រាប់ព្រឹត្តិការណ៍ប្រកួតរបស់ខ្លួនអំឡុងរដូវកាល ២០១៨/១៩។