កាន់តែលម្អិតប្រាប់ខ្ទេច ទាំងគុណសម្បត្តិ និងគុណវិបត្តិរវាងម៉ាស៊ីនសាំង និងម៉ាស៊ីនម៉ាស៊ូត

2018-10-03 23:04:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សព្វថ្ងៃ រថយន្តប្រើប្រាស់សាំងមានចំនួនប្រើប្រាស់ច្រើនលើលលប់សម្រាប់ការងារប្រចាំថ្ងៃ។ ប៉ុន្តែបើនិយាយពីវិស័យដឹកជញ្ជូនវិញ រថយន្តភាគច្រើន ជាប្រភេទម៉ាស៊ីនម៉ាស៊ូតទៅវិញ។

ម៉ាស៊ីនសាំង គឺជាម៉ាស៊ីនដែលពេញនិយមបំផុតក្នុងពិភពលោក ដោយវាដំណើរការដោយការដុតសាំងនៅក្នុងស៊ីឡាំងរបស់ម៉ាស៊ីនរថយន្ តដើម្បីបង្កើតជាថាមពលសម្រាប់អូសកង់ទៅមុខ និងបើកម៉ាស៊ីនត្រជាក់ជាដើម។ បើនិយាយឲ្យលម្អិតក្នុងន័យបច្ចេកទេសវិញ ស៊ីឡាំងនៅក្នុងម៉ាស៊ីនរថយន្តទ្រទ្រង់ចំហេះ បង្កើតឡើងដោយល្បាយរបស់សាំង និងខ្យល់ពីខាងក្រៅ បូករួមនិងក្បាលប៊ូស៊ី ដែលទទួលអគ្គិសនីពីអាគុយ នឹងបង្កើតផ្កាភ្លើង សម្រាប់បង្កើតចំហេះក្នុងស៊ីឡាំងនេះឡើង។

និយាយពីម៉ាស៊ីនម៉ាស៊ូតវិញ ស្រដៀងទៅនឹងម៉ាស៊ីនសាំងដែរ តែខុសគ្នាត្រង់ថាម៉ាស៊ីនម៉ាស៊ូតមិនត្រូវការក្បាលប៊ូស៊ី ដើម្បីបញ្ឆេះឡើយ។ វិធីសម្រាប់បង្កើតចំហេះនៅក្នុងម៉ាស៊ីនម៉ាស៊ូត គឺវាប៊ឺតខ្យល់យកមកពីខាងក្រៅមកបង្ហាប់ឲ្យណែនខ្លាំង ហើយកើនសីតុណ្ហភាពខ្ពស់ខ្លាំង។ ក្រោយមកវាក៏បាញ់ម៉ាស៊ូតចូលក្នុងខ្យល់នោះ ហើយចំហេះក៏កើតឡើងតែម្ដង។

គុណសម្បត្តិ និងគុណវបត្តិរបស់ម៉ាស៊ីនទាំងពីរប្រភេទ៖

១. ម៉ាស៊ីនសាំង

គុណសម្បត្តិ

ម៉ាស៊ីនសាំងមានកម្លាំងខ្លាំងជាងម៉ាស៊ីនម៉ាស៊ូត (កម្លាំងសេះច្រើនជាង)
ម៉ាស៊ីនសាំងងាយស្រួលក្នុងការកែតម្រូវ និងការបន្ថែមផ្សេងៗ
ចំហេះក្នុងម៉ាស៊ីនសាំង មិនសូវបំពុលបរិស្ថាន
នៅក្នុងប្រទេសមួយចំនួន ប្រេងសាំងមានតម្លៃថោកជាងម៉ាស៊ូត ព្រោះម៉ាស៊ូតបំពុលបរិស្ថានជាង រដ្ឋយកពន្ធច្រើន (នៅក្នុងស្រុកយើងម៉ាស៊ូតមានតម្លៃថោកជាងសាំង)

គុណវិបត្តិ

អាយុកាលប្រើប្រាស់របស់ម៉ាស៊ីនសាំង ខ្លីជាងម៉ាស៊ីនម៉ាស៊ូត
រថយន្តប្រើម៉ាស៊ីនសាំងលក់ខាតច្រើនជាង រថយន្តប្រើម៉ាស៊ីនម៉ាស៊ូត
ម៉ាស៊ីនសាំង មានកម្រិតស៊ីប្រេងច្រើនជាងម៉ាស៊ីនម៉ាស៊ូត
នៅក្នុងស្រុកយើង តម្លៃប្រេងសាំងមានតម្លៃថ្លៃជាងប្រេងម៉ាស៊ូត

២. ម៉ាស៊ីនម៉ាស៊ូត

គុណសម្បត្តិ

រថយន្តប្រើម៉ាស៊ីនម៉ាស៊ូតលក់ចេញបានថ្លៃជាងម៉ាស៊ីនសាំង ពោលគឺមិនសូវខាតច្រើន
ម៉ាស៊ីនម៉ាស៊ូតមានអត្រាស៊ីប្រេងតិចជាង បើធៀបទៅនឹងម៉ាស៊ីនសាំង
ម៉ាស៊ីនម៉ាស៊ូតមានដំណើរការរលូន គួរឲ្យទុកចិត្តជាងម៉ាស៊ីនសាំង
ម៉ាស៊ីនម៉ាស៊ូតមានកម្លាំងរមួល (torque) ខ្លាំងជាងម៉ាស៊ីនសាំង
អាចសណ្ដោងវត្ថុធ្ងន់ៗ ប្រើសម្រាប់ឧស្សាហកម្ម និងការបើកបរផ្លូវឆ្ងាយបានល្អជាងម៉ាស៊ីនសាំង

គុណវិបត្តិ