Toyota Crown ប្រវត្តិផលិតជាង ៦០ ឆ្នាំ ពេញនិយមទាំងរាជការជប៉ុន រហូតដល់អ្នករត់តាក់ស៊ី

2018-10-11 04:54:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងប្រទេសជប៉ុន Toyota Crown ជារថយន្តមានការពេញនិយមសម្រាប់មន្ត្រីរដ្ឋាភិបាល ហើយក្រោយមកក៏ត្រូវប្រើប្រាស់សម្រាប់សេវារត់តាក់ស៊ី។

Crown ត្រូវបានក្រុមហ៊ុន Toyota ផលិតលើកដំបូងនៅឆ្នាំ ១៩៥៥ និងនាំចេញទៅអាមេរិកនៅឆ្នាំ ១៩៥៨។ រថយន្តប្រកួតប្រជែងជាមួយ Crown មាន Nissan Cedric/Gloria/Fuga, Honda Legend, និង Mazda Luce, Isuzu Bellel និង Mitsubishi Debonair។ តាំងពីផលិតរហូតដល់ពេលនេះ Crown មានដល់ទៅ ១៥ ជំនាន់។

យ៉ាងណា Sabay សុំលើកយកតែរថយន្ត Toyota Crown S220 ជំនាន់ចុងក្រោយ ដែលផលិតនៅខែ មិថុនា ឆ្នាំ ២០១៨ ដល់បច្ចុប្បន្ន មកជម្រាបជូនប៉ុណ្ណោះ។ រថយន្តនេះ មានរូបរាងតែមួយ Style ប៉ុណ្ណោះ គឺប្រភេទ Sedan ទ្វារ ៤ ប៉ុន្តែមាន ៣ ជម្រើស៖

ទី១៖ ម៉ាស៊ីនសាំង I4-T 8AR-FTS I4-T ទំហំ ២០០០ សេសេ ចង្កឹះលេខអូតូ ៨ វគ្គ កម្លាំង ២៤១ សេះ
ទី២៖ ម៉ាស៊ីនសាំង Hybrid I4 L A25A-FXS ទំហំ ២៥០០ សេសេ ចង្កឹះលេខអូតូ CVT កម្លាំង ២២៣ សេះ
ទី៣៖ ម៉ាស៊ីនសាំង Hybrid V6 8GR-FXS ទំហំ ៣៥០០ សេសេ ចង្កឹះលេខអូតូ Multi Stage Hybrid System ១០ វគ្គ កម្លាំង ៣៥៤ សេះ

រថយន្តជំនាន់ទី ១៥ ជាយានម៉ូដែលដំបូងបង្អស់ មានបំពាក់ប្រព័ន្ធ DCM (Data Communication Module) ដែលភ្ជាប់ជាមួយបណ្ដាញគ្រប់គ្រងយានយន្ត។ តាមរយៈការប្រើប្រាស់ Hardware ក្រុមហ៊ុន Toyota អាចផ្ដល់ជូនព័ត៌មានជាច្រើន ទៅអ្នកប្រើប្រាស់ T-Connect តាមរយៈទូរសព្ទដៃ Mobility Service Platform។

កម្មវិធីពិសេស ដែលគួរឱ្យចាប់អារម្មណ៍របស់រថយន្តនេះគឺ Toyota Safety Sense 2.0។ Safety Sense 2.0 មានភ្ជាប់មកជាមួយនូវរ៉ាដាគ្រប់គ្រងល្បឿន (Radar Cruise Control) ប្រព័ន្ធគ្រប់គ្រងការបុកទង្គិច ( Pre-Collision System) ប្រព័ន្ធឱ្យអ្នកបើកបរ មើលឃើញឧបសគ្គខាងមុខច្បាស់នៅពេលយប់ ( Automatic High Beam) ប្រព័ន្ធជំនួយមើលផ្លូវពេលកំពុងបើកបរ (Lane Tracing Assist បើកខុសគន្លង ប្រព័ន្ធមួយនេះនឹងប្រាប់អ្នកបើកបរ ថាខុសគន្លង) ប្រព័ន្ធជំនួយមើលស្លាកសញ្ញាចរាចរណ៍ (Road Sign Assist បើសញ្ញាដាក់ថា ៦០ គីឡូម៉ែត្រក្នុង១ម៉ោង ហើយបើតៃកុងបើកលើស វានឹងប្រាប់ឱ្យបន្ថយល្បឿន) និងមានវប្រព័ន្ធទំនើបៗជាច្រើនទៀត៕