Epic លេងធម៌ក្តៅ ដាក់ពាក្យប្តឹង YouTuber មួយរូបចែកចាយកម្មវិធី Hack ហ្គេម Fortnite

2018-10-17 14:00:13
ចំនួនមតិ 0 | ចំនួនចែករំលែក 0

ចន្លោះមិនឃើញ

Gamer ជើងខ្លាំងមួយរូបលើ YouTube ដែលជាម្ចាស់ Channel ឈ្មោះ Golden Modz បានកំពុងរងពាក្យបណ្តឹងពីក្រុមហ៊ុន Epic Games ជុំវិញការបង្ហោះវីដេអូលេង Hack ក្នុងហ្គេម Fortnite។ លើសពីនេះម្ចាស់ Channel មាន Subscriber ប្រមាណ ១,៧ លាននាក់ ក៏ចាប់បានថាកំពុងចរាចរគេហទំព័រលក់កម្មវិធី Hack មានដូចជាការតម្រង់កាណុងកាំភ្លើងដោយស្វ័យប្រវត្តិ ក្នុងតម្លៃដល់ទៅជាង ២០០ ដុល្លារ ។

រូបតំណាងម្ចាស់ Channel ឈ្មោះ Golden Modz

ជុំវិញបទល្មើសនេះក្រុមហ៊ុន Epic Games បានបញ្ជាក់ថា៖ "Defendants គឺជាជនក្លែងបន្លំ ហើយគ្មាននរណាចូលចិត្តជនបែបនេះទេ ដោយមិនត្រឹមជា Cheater ទៀតសោតលោក Lucas ក៏បានផ្សព្វផ្សាយនិងដាក់លក់កម្មវិធី Hack ថែមទៀតផង"។

លើគេហទំព័ររបស់ Lucas មានលក់កម្មវិធីដំណើរការ Aimbot អនុញ្ញាតឲ្យអ្នកលេងអាចសម្លាប់សត្រូវដោយមិនចាំបាច់តម្រង់កាណុងអាវុធរបស់ពួកគេ។ ក្រៅពី Lucas អ្នកលេងហ្គេមឯទៀតនៅលើ YouTube ដូចជា Colton Conter ក៏ជាប់ឈ្មោះក្នុងបញ្ជីខ្មៅដូចគ្នា ហើយវីដេអូជាច្រើនដែលប្រើប្រាស់ Hack បែបនេះត្រូវបានលុបចេញពី YouTube ឆ្លើយតបនឹងការរាយការណ៍នៃទង្វើរំលោភកម្មសិទ្ធិបញ្ញាពី Epic Games។

បញ្ជាក់ពីសាមីខ្លួន លោក Lucas បានសង្កត់ធ្ងន់ថាលោកពុំយល់ច្បាស់ហេតុអ្វី Epic Games ចាត់វិធានការបែបនេះលើលោកនោះទេ។ លោកប្រាប់ថា៖ "ខ្ញុំមានការភ័ន្តច្រឡំដោយឃើញមានអ្នកបង្កើតមាតិកាហ្គេម Fortnite បែបនេះរាប់ពាន់ឯទៀតលើ YouTube ហើយពួកគេក៏បានប្រើប្រាស់ Hack ដោយគ្មានការព្រមានអ្វីទាំងអស់"។

រំឭកថាក្រុមហ៊ុនមានមូលដ្ឋាននៅរដ្ឋ North Carolina ក៏ទើបតែសហការជាមួយក្រុមហ៊ុន Kamu ក្នុងការប្រើប្រាស់កម្មវិធី Anti-cheat ដើម្បីដោះស្រាយចន្លោះប្រហោងនៃអ្នកលេង Hack ក្រោយហ្គេម Fortnite កំពុងមានអ្នកលេងជាប្រចាំច្រើនជាង ៧៥ លាននាក់ និងជាប់ឈ្មោះជាហ្គេមមានអ្នកទស្សនាច្រើនបំផុតនៅលើ Twitch។