Klopp ថា Aubameyang អន់តែរឿងមួយទេ គឺរឿងធ្វើខ្លួន
- 2019-08-24 05:27:00
- ចំនួនមតិ 0 | ចំនួនចែករំលែក 0
Klopp ថា Aubameyang អន់តែរឿងមួយទេ គឺរឿងធ្វើខ្លួន
ចន្លោះមិនឃើញ
ថ្លែងមុន Liverpool ប៉ះ Arsenal Jurgen Klopp បានសារភាពថា Pierre-Emerick Aubameyang គ្មានចំណុចខ្សោយណាមួយទេ លើកលែងតែរឿងធ្វើខ្លួនចេញ។
Klopp បានចុះហត្ថលេខានាំយកកីឡាករសញ្ជាតិហ្គាបុងទៅកាន់ Borussia Dortmund នៅឆ្នាំ២០១៣ នៅពេលដែលអតីតគ្រូនិងសិស្សទាំង២នាក់នេះប្រកបអាជីពនៅអាឡឺម៉ង់។
Klopp និយាយបែបលេងសើចថា សិស្សរបស់ខ្ញុំទាំងអស់សុទ្ធតែបានស្បែកជើងមាសកាលពីរដូវកាលមុន។ ពិតណាស់ទាំង Aubameyang, Sadio Mane និង Mohamed Salah ដែលសុទ្ធសឹងជាសិស្សរបស់ Klopp សុទ្ធតែទទួលបានស្បែកជើងមាស។
Klopp បាននិយាយថា“ខ្ញុំធ្លាប់បានធ្វើការជាមួយគេ ៤ ឆ្នាំ។ ខ្ញុំដឹងគ្រប់យ៉ាងអំពីគេ [Aubameyang]...។ Auba គ្មានចំណុចខ្សោយពិតប្រាកដណាមួយឡើយ ក្រៅពីម៉ូដតែងខ្លួនរបស់គាត់"។
ត្បិត Klopp មិនមានឥទ្ធិពលលើស្តាយតែងខ្លួនរបស់ Aubameyang ប៉ុន្តែគ្រូបង្វឹកអាឡឺម៉ង់រូបនេះបានដុះខាត់តារាឆ្នើម Arsenal ពីខ្សែបម្រើស្លាប ក្លាយជាកំពូលខ្សែប្រយុទ្ធកណ្តាល ដោយរកបាន ៩៨ គ្រាប់ក្នុងចំណោម ១៤៤ប្រកួតឲ្យ Dortmund ពេល Lewandowski ចាកចេញ៕