G.O ក្លាយជាសមាជិក MBLAQ ម្នាក់ទៀតហើយដែលធ្លាយព័ត៌មានស្នេហា

2018-01-02 02:33:24
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី០២ ខែមករា សេចក្ដីរាយការណ៍ពីសារព័ត៌មានមួយបានឲ្យដឹងថា តារាចម្រៀង G.O និងតារាសម្ដែង Choi Ye Seul មានទំនាក់ទំនងស្នេហាជាមួយគ្នាអស់រយៈពេល ៥ខែមកហើយ។

តាមសេចក្ដីរាយការណ៍បានឲ្យដឹងថា តារាចម្រៀង G.O ក៏មានទំនាក់ទំនងជិតស្និទ្ធជាមួយក្រុមគ្រួសាររបស់ Choi Ye Seul ដែរ ហើយថែមទាំងទៅសួរសុខទុក្ខពួកគេជាញឹកញាប់ទៀតផង។

បច្ចុប្បន្ននេះ G.O កំពុងតែបំពេញការងារក្នុងជួរកងទ័ពជាអ្នកបម្រើការសេវាសាធារណៈជូនជាតិ។ ប្រភពជិតស្និទ្ធ បានឲ្យដឹងថាគូស្នេហ៍មួយគូនេះតែងព្យាយាមរកពេលណាត់ជួបគ្នាតាមតែពួកគេអាចធ្វើបាន។ ជាក់ស្ដែង ពួកគេបានធ្វើដំណើរទៅលេងប្រទេសជប៉ុនជាមួយគ្នាកាលពីខែវិច្ឆិកា ឆ្នាំ២០១៧ ហើយថែមទាំងចំណាយពេលថ្ងៃបុណ្យគ្រិស្តម៉ាសជាមួយគ្នាថែមទៀតផង។

ទោះជាយ៉ាងណាក៏ដោយ ព័ត៌មានលេចឮទាំងនេះ ខាងផលិតកម្មរបស់អ្នកទាំង២មិនទាន់បានចេញមុខទទួលស្គាល់នៅឡើយទេ ខណៈពួកគេមិនទាន់អាចទាក់ទងតារាទាំង២រូបនេះបាន៕

ប្រភព៖ Soompi ប្រែសម្រួល៖ អន សុភក្ត្រា