Valverde ប្រាប់ប្រកួត ខ្លួនពេញចិត្តបំផុតតាំងពីមក Barca តែមិនមែនកាលប៉ះ Real

2018-01-17 04:05:14
ចំនួនមតិ 0 | ចំនួនចែករំលែក 0

ចន្លោះមិនឃើញ

Ernesto Valverde បានឆ្លើយតបនឹងអ្នកសារព័ត៌មានពីប្រកួតដែលលោកពេញចិត្តបំផុតចាប់តាំងពីដឹកនាំ Barcelona។

Valverde

អ្នកចាត់ការសញ្ជាតិអេស្ប៉ាញដឹកនាំក្រុមយក្សកាតាឡាន់យ៉ាងល្អបំផុតក្នុងនោះមិនទាន់ស្គាល់ពាក្យថាចាញ់នៅឡើយទេទាំងនៅ Champions League និង La Liga រដូវកាលនេះ។ ទោះជាឆ្លងកាត់ជ័យជម្នះច្រើនប្រកួតតែ Valverde ពិបាកនឹងសម្រេចថាប្រកួតមួយណាដែលលោកគិតថាល្អជាងគេ និងមិនអាចបំភ្លេចបាន។

យ៉ាងណាបុរសវ័យ៥៣ឆ្នាំបានរើសយកការវាយបកទល់ Real Sociedad ពីត្រូវគូប្រកួតនាំមុខ ២-០ មកឈ្នះ២-៤ ថាជាប្រកួតល្អជាងគេ ដោយលោកមិនបាននឹកដល់ជ័យជម្នះ ៣-០ នៅ El Clasico ទល់នឹង Real Mardrid ទេ។

“គ្មានប្រកួតណាពិសេសដាច់គេទេសម្រាប់ខ្ញុំគិតមកទល់ពេលនេះ ព្រោះគ្រប់ប្រកួតសុទ្ធតែសំខាន់ដូចគ្នា។ បើឲ្យរើស ខ្ញុំរើសយកប្រកួតទល់ Sociedad ព្រោះយើងត្រូវគូប្រជែងនាំមុខ២-០ ហើយវាជាប្រកួតក្រៅដី។ ប្រកួតទល់នឹង Juventus ក៏ល្អដែរសម្រាប់ខ្ញុំ...”។ Valverde និយាយដូច្នេះ៕