Emma Watson មានទំនាក់ទំនងស្នេហាជាមួយ Glee's Chord Overstreet?

2018-03-10 02:13:09
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃព្រហស្បតិ៍ ទី០៨ ខែមិនា ឆ្នាំ២០១៨នេះ តារាសម្ដែង Emma Watson ត្រូវបានប្រទះឃើញដើរកាន់ដៃគ្នាជាមួយនឹងតារាសម្ដែង Glee's Chord Overstreet ជាសាធារណៈយ៉ាងស្និទ្ធស្នាលជាមួយគ្នា។

តាមរូបភាពដែលថតបាន បង្ហាញឲ្យឃើញថា តារាទាំង២រូបនេះបានញញឹមរកគ្នា។ Emma Watsonសម្លឹងGlee's Chord Overstreet ដោយមិនដាក់ភ្នែកទាល់តែសោះ។

កាលពីខែមុន ប្រភពជិតស្និទ្ធរបស់តារាទាំង២រូបនេះធ្លាប់បានបដិសេធម្ដងរួចមកហើយថា ពួកគេទាំង២គ្មានទំនាក់ទំនងអ្វីលើសពីមិត្តធម្មតានោះទេ នៅពេលដែលពួកគេត្រូវបានប្រទះឃើញដើរជាមួយគ្នាក្នុងរដ្ឋ Los Angeles។

បើតាមប្រភពមួយបានប្រាប់កាសែត New York Post ថា៖ "វាដូចឆ្កួតបន្តិច ប៉ុន្តែប្រាកដណាស់ ពួកគេបានសម្លឹងឃើញគ្នាមែន ទោះបីជា Emma ចង់រក្សារឿងនេះដោយស្ងាត់ៗ និងជាលក្ខណៈឯកជនក៏ដោយ"។

ប៉ុន្តែបើតាមប្រភពមួយផ្សេងទៀតនិយាយថា៖ "ពួកគេស្ថិតនៅដំណាក់កាលធម្មតានៅឡើយទេ ពួកគេរួសរាយដាក់គ្នា ប៉ុន្តែមិនទាន់មានទំនាក់ទំនងស្នេហានឹងគ្នានោះទេ"។

គួររម្លឹកដែរថា កាលពីឆ្នាំមុន តារាសម្ដែងEmma Watson បានចែកផ្លូវគ្នាជាមួយនឹងអ្នកគ្រប់គ្រងក្រុមហ៊ុនបច្ចេកវិទ្យា Silicon Valley លោក William 'Mack' Knightក្រោយបានមើលចិត្តថ្លើមគ្នាអស់រយៈពេលជិត២ឆ្នាំមកនោះ។ ហើយតារាស្រីរូបនេះក៏ធ្លាប់បាននិយាយដែរថានាងមិនចង់បានជីវិតស្នេហាដូចភ្លើងភ្លឹបភ្លែតនោះទេ៕

ចុចអាន៖

ប្រភព៖ Dailymail ប្រែសម្រួល៖ អន សុភក្ត្រា