សម្រង់​សម្ដី​ ១៣ ឃ្លា​ របស់​​រូប​វិទូ​​ Stephen Hawking អានរួចអាចប្ដូរការគិត

  • 2018-03-15 02:26:34
  • ចំនួនមតិ 0 | ចំនួនចែករំលែក 28

ចន្លោះមិនឃើញ

​អ្នក​ប្រាជ្ញ​រូបវិទ្យា​ Stephen Hawking បាន​លាចាក​លោក កាលពីខែមីនា ឆ្នាំ២០១៨ ក្នុង​​វ័យ​ ៧៦ ឆ្នាំ។ រូប​វិទូ​រូប​នេះ​​កើត​មាន​ជំងឺ​ម្យ៉ាង​ឈ្មោះ​​​ Amyotrophic Lateral Sclerosis (ALS) នៅ​អាយុ​ ២១ ឆ្នាំ។ លោក​គឺ​ជា​​មនុស្ស​ម្នាក់​​គត់​ដែល​អាច​ទ្រាំទ្រ​នឹង​ជំងឺ​នេះ​បាន​យូរ​ឆ្នាំ​ជាង​គេ។ ​ក្នុង​​រយៈពេល​ជា​ច្រើន​ឆ្នាំ​មក​នេះ លោក​ Stephen បាន​ចែក​រំលែក​នូវ​គំនិត​គួរ​ឲ្យ​ចាប់​អារម្មណ៍​ជា​ច្រើន​ ដែល​​បាន​ជះ​ឥទ្ធិពល​ដល់​​ការ​យល់​ឃើញ​របស់​អ្នក​ដទៃ។

ខាង​ក្រោម​នេះ​ជា​សម្រង់​សម្ដី​ដ៏​មាន​ឥទ្ធិពល​ចំនួន​ ១៣ ឃ្លា​របស់​លោក​ Stephen Hawking ៖

១. “ខ្ញុំ​ពិត​ជា​ភ្ញាក់ផ្អើល​ណាស់​ដែល​បច្ចុប្បន្ន​នេះ​ យើង​មិន​អើពើ​នឹង​​រឿង​រ៉ាវ​ដូច​ជា​​រូបវិទ្យា, លំហអាកាស, ចក្រវាល, ទស្សនវិជ្ជា​​​ពី​ការ​កកើត​នៃ​មនុស្ស​, គោល​បំណង​របស់​ពួក​យើង និង គោលដៅ​ចុង​ក្រោយ​របស់​​ពួក​យើង។ ពិភព​លោក​ខាង​ក្រៅ​មាន​រឿង​ប្លែក​ៗ​ជា​ច្រើន​ទៀត។ ​ឲ្យ​ចេះ​ចង់​ដឹង​ខ្លះ​ទៅ!។”

​​២. “គោល​បំណង​របស់​ខ្ញុំ​គឺ​សាមញ្ញ។ គឺ​ចង់​ស្វែងយល់​ពី​ចក្រវាល​ទាំង​មូល​ឲ្យ​បាន​ច្បាស់ ហេតុអ្វី​បាន​ជា​វា​បែប​នេះ និង ហេតុអ្វី​មាន​ជា​មនុស្ស​កកើត​ឡើង។”

៣. “មួយ ត្រូវ​ងើយ​មើល​មេឃ​ មិន​ត្រូវ​​អោន​​ក្បាល​ចុះ​ក្រោម​នោះ​ទេ។ ពីរ​ មិន​ត្រូវ​បោះបង់​ការងារ​ចោល។ ការងារ​​ផ្ដល់​ឲ្យ​អ្នក​នូវ​អត្ថន័យ​​ជីវិត និង​គោល​បំណង ហើយ​ជីវិត​ទទេ​ស្អាត​បើ​គ្មាន​ការងារ។ បី ប្រសិន​បើ​អ្នក​មាន​សំណាង​ជួប​ស្នេហ៍ ត្រូវ​ចង​ចាំ​វា និង​មិន​ត្រូវ​​បោះបង់​វា​ចោល​នោះ​ទេ។”

៤. “ច្បាប់​មូលដ្ឋាន​នៃ​ចក្រវាល​ គឺ​មិន​មាន​អ្វី​ល្អ​ឥត​ខ្ចោះ​នោះ​ទេ។ ល្អ​ឥត​ខ្ចោះ​មិន​មាន​នោះ​ទេ...ប្រសិន​បើ​មិន​មាន​ភាព​ មិន​ល្អ​ឥត​ខ្ចោះ នោះ​ក៏​មិន​មាន​វត្តមាន​ខ្ញុំ​ និង​អ្នក​ដែរ។”

៥. “មនុស្ស​ដែល​​មាន​អំនួត​​​នឹង​​ប្រាជ្ញា​របស់​ខ្លួន​ ជា​ជន​បរាជ័យ។”

៦. “ក្ដី​សង្ឃឹម​របស់​ខ្ញុំ​បាន​ធ្លាក់​ចុះ​ដល់​សូន្យ​នៅ​វ័យ​ ២១ ឆ្នាំ។ អ្វី​គ្រប់​យ៉ាង​ដែល​កើត​មាន​ចាប់​តាំង​​ពី​ពេល​នោះ​គឺ​ជា​​អំណោយ។”

៧. “មនុស្ស​ស្ងប់​ស្ងាត់​ មាន​​គំនិត​ច្រើន​បំផុត។”

៨. “យើង​គ្រាន់​តែ​ជាពូជ​ស្វា​ដែល​រីក​លូតលាស់​លឿន នៅ​លើ​ភព​មួយ។ ប៉ុន្តែ​យើង​អាច​ស្វែង​យល់​ពី​ចក្រវាល។ វា​ជា​រឿង​ដែល​ធ្វើ​ឲ្យ​ពួក​យើង​មាន​លក្ខណៈ​ពិសេស។”

៩. “ជីវិត​ច្បាស់​ជា​​មាន​ពោរពេញ​ដោយ​ក្ដី​ទុក្ខ ប្រសិន​បើ​គ្មាន​​ភាព​សប្បាយ​រីករាយ​ទេ​នោះ។”

១០. “ជា​ច្រើន​លាន​ឆ្នាំ មនុស្ស​លោក​ រស់​នៅ​ដូច​ជា​សត្វ។ ប៉ុន្តែ​មាន​រឿង​បាន​កើត​ឡើង ដែល​​​​​បញ្ចេញ​ថាមពល​នៃ​ការ​គិត​របស់​មនុស្ស។ យើង​បាន​រៀន​និយាយ​ និង​រៀន​ស្ដាប់។ ការ​និយាយ​ស្ដី​ ធ្វើ​ឲ្យ​មាន​ទំនាក់ទំនង​នៃ​គំនិត អាច​ឲ្យ​មនុស្ស​ធ្វើ​ការ​ជា​មួយ​គ្នា​ដើម្បី​បង្កើត​អ្វី​ដែល​មិន​អាច​ទៅ​រួច។ សមិទ្ធផល​ទាំង​ឡាយ​​របស់​មនុស្ស​ជាតិ​គឺ​បាន​មក​ដោយ​សារ​​ការ​ជជែក​គ្នា​​​ ហើយ​ភាព​បរាជ័យ​ទាំង​ឡាយ​ដោយ​សារ​ការ​មិន​ជជែក​គ្នា។ វា​មិន​គួរ​បែប​នេះ​ទេ។ ក្ដី​សង្ឃឹម​ដ៏​ធំ​ធេង​របស់​ពួក​យើង​ អាច​ក្លាយ​ជា​ការ​ពិត​នៅ​ថ្ងៃ​អនាគត។ ជា​មួយ​បច្ចេកវិទ្យា​​ដែល​យើង​អាច​ប្រើ​ប្រាស់​បាន​តាម​ចិត្ត ភាព​អាច​ទៅ​រួច​គឺ​គ្មាន​ព្រំ​ដែន​នោះ​ទេ។ អ្វី​ដែល​យើង​ត្រូវ​ធ្វើ​ គឺ​ត្រូវ​ប្រាកដ​ថា​យើង​ចេះ​​ជជែក​គ្នា។”

១១. “ភាព​វ័យ​ឆ្លាត​ គឺ​សមត្ថភាព​ដែល​អាច​សម្រប​ខ្លួន​​​តាមការ​ផ្លាស់​ប្ដូរ។”

១២. “ជន​រងគ្រោះ​អាច​មាន​សិទ្ធ​បញ្ចប់​ជីវិត​ខ្លួន​ ប្រសិន​បើ​ជា​បំណង​របស់​គេ។ ប៉ុន្តែ​ខ្ញុំ​គិត​ថា​ វា​អាច​ជា​កំហុស​ដ៏​ធំ​មួយ។ ទោះ​បី​ជា​ជីវិត​​អ្នក​ប្រហែល​ជា​មិន​​​ល្អ​​​ក្ដី​ ​នៅ​តែ​មាន​រឿង​​ខ្លះ​ដែល​អ្នក​អាច​ធ្វើ​បាន​ និង​ទទួល​បាន​​ជោគជ័យ​ពី​វា។ ដរាប​ណា​នៅ​មាន​ជីវិត ក្ដី​សង្ឃឹម​នៅ​តែ​មាន។”

១៣. “ខ្ញុំ​ជឿ​ថា​ ការ​បក​ស្រាយ​ដ៏​សាមញ្ញ​គឺ​ ព្រះ​មិន​មាន​ពិត​នោះ​ទេ។ មិន​មាន​នរណា​ម្នាក់​ដែល​បាន​បង្កើត​ចក្រវាល​ និង​​មិន​មាន​នរណា​កំណត់​ជោគ​វាសនា​របស់​យើង​នោះ​ទេ។ វា​នាំ​​​ឲ្យ​ខ្ញុំ​​យល់​ដឹង​ថា​ ប្រហែល​ជា​មិន​មាន​ឋានសួគ៌​ ហើយ​ក៏​មិន​មាន​ជីវិត​ក្រោយ​ពេល​ស្លាប់​ទៅ​ដែរ។ យើង​មិន​មាន​ជីវិត​មួយ​នេះ​ដើម្បី​ដឹង​គុណ​ចំពោះ​នឹង​​ចក្រវាល​ ហើយ​ចំពោះ​​ចំណុច​នេះ​គឺ​ខ្ញុំ​ពិត​ជា​ដឹង​គុណ​ចក្រវាល​ណាស់។​​​”

ចុចអាន៖

ប្រភព៖ Newsweek   ប្រែ​សម្រួល៖ សុខហេង