ព្រះពុទ្ធប្រសូតនៅលើទឹកដីនេប៉ាល់សព្វថ្ងៃ តែអ្នកកាន់សាសនានេះច្រើនជាជនជាតិផ្សេង
- 2018-03-26 06:02:09
- ចំនួនមតិ 0 | ចំនួនចែករំលែក 0
ព្រះពុទ្ធប្រសូតនៅលើទឹកដីនេប៉ាល់សព្វថ្ងៃ តែអ្នកកាន់សាសនានេះច្រើនជាជនជាតិផ្សេង
ចន្លោះមិនឃើញ
ប្រជាពលរដ្ឋកម្ពុជាត្រូវគេជឿថាមានជាង៨០ភាគរយជាអ្នកកាន់សាសនាព្រះពុទ្ធ ចំនួនភាគរយនេះប្រហាក់ប្រហែលនឹងចំនួនដែលមាននៅប្រទេសថៃដែរ ចំណែកប្រទេសឡាវមានត្រឹមជាង៥០ភាគរយ ខណៈដែលសាសនាមួយនេះស្ថិតក្នុងលំដាប់លេខបួននៅលើពិភពលោកដែលមានអ្នកកាន់ច្រើនជាងគេ។
បើតាមការសិក្សារបស់មជ្ឈមណ្ឌលសម្រាប់ការសិក្សាសានាគ្រឹស្តនៅលើពិភពលោក បានស្រង់ទិន្ន័យនេះកាលពីឆ្នាំ២០១៦ បញ្ជាក់ថាប្រទេសចំនួន១០ដែលមានភាគរយប្រជាជនកាន់សាសនាព្រះពុទ្ធច្រើនជាងគេនៅក្នុងពិភពលោក ក្នុងនោះប្រទេសថៃមានចំនួន៨៧,២ភាគយ ចំណែកកម្ពុជាមានចំនួន៨៦,៤ភាគរយ។ សម្រាប់ប្រទេសឡាវវិញមានត្រឹម៥០,៤ និងវៀតណាមមានចំនួន៤៩,២ភាគរយ។
ប៉ុន្តែបើនិយាយពីចំនួនប្រជាពលរដ្ឋដែលកាន់សាសនាព្រះពុទ្ធវិញប្រទេសចិនមានចំនួនច្រើនជាងគេគឺរហូតដល់ជាង២១៨លាននាក់ ជប៉ុនមានជាង៧០លាននាក់ និងថៃមានជាងជិត៦០លាននាក់នៃប្រជាជនសរុប។ សម្រាប់កម្ពុជាវិញទិន្ន័យបង្ហាញថាមានប្រជាជនជាង១៣លាននាក់បានកាន់សាសនាព្រះពុទ្ធ។ ដោយឡែកប្រទេសឥណ្ឌា ទឹកដីកំណើតព្រះពុទ្ធវិញមានតែជាង៩លាននាក់ប៉ុណ្ណោះ ហើយនេប៉ាល់មានជាង២លាននាក់ ឬប្រហែលជា៩ភាគរយនៃប្រជាជនសរុប។
បើតាមវែបសាយ Buddhist Studies សាសនាដែលមានអ្នកកាន់ច្រើនជាងគេលើពិភពលោកគឺសាសនាគ្រឹស្តមានចំនួនប្រហែល២ពាន់លាននាក់ បន្ទាបមកគឺសាសនាឥស្លាមមានចំនួនប្រហែល១ ៣០០លាននាក់ សាសនាហិណ្ឌូមានចំនួនប្រហែល៩០០លាននាក់ និងសាសនាព្រះពុទ្ធប្រហែល៣៦០លាននាក់។ បើនិយាយពីអ្នកមិនកាន់សាសនាវិញមានរហូតដល់៨៥០លាននាក់៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
