ស្ងាត់ៗតារាសម្ដែង ស៊ឹម សោភណ្ឌ ទិញដី និងសង់ផ្ទះជាង២០ម៉ឺនដុល្លារអាមេរិក
- 2018-04-05 04:09:20
- ចំនួនមតិ 0 | ចំនួនចែករំលែក 0
ស្ងាត់ៗតារាសម្ដែង ស៊ឹម សោភណ្ឌ ទិញដី និងសង់ផ្ទះជាង២០ម៉ឺនដុល្លារអាមេរិក
ចន្លោះមិនឃើញ
ទើបតែថ្មីៗនេះប៉ុណ្ណោះ មានប្រភពមួយបានទម្លាយឲ្យដឹងថា តារាសម្ដែងសម្បុរស្រអែម ស៊ឹម សុភណ្ឌ មិនដឹងបានប្រាក់ពីណាច្រើនសន្ធឹកសន្ធាប់ ទៅដីសង់ផ្ទះ សរុបទាំងអស់ជាង ២០ម៉ឺនដុល្លារអាមេរិកឯណោះ។
ដី និងផ្ទះតារាប្រុសរូបនេះ ត្រូវបានគេដឹងថាស្ថិតនៅភូមិស្វាយរលំ ក្រុងតាខ្មៅ ខេត្តកណ្ដាល បច្ចុប្បន្នកាត់ចូលរាជធានី មានទំហំ ១៥ គុណ ៥០ម៉ែត្រ។ ដីនេះដើមឡើយ គឺជាដីទំនេរ ក្រោយមកល្បីថាម្ចាស់គេបានលក់ទៅអោយគ្រួសារអ្នកភ្នំពេញមួយ។ ចុងក្រោយ ស្រាប់តែឃើញ សុភ័ណ្ឌ ចេញចូល និងបានសង់ផ្ទះរស់នៅជុំគ្នាជាមួយគ្រួសារតែម្ដង។
“ខ្ញុំធ្លាប់ឃើញគាត់តាមទូរទស្សន៍...គាត់ហ្នឹងតារា...ដូចជាឈ្មោះ ស្អី ភ័ណ្ឌទេ...អូហ៍ហ្នឹងហើយ ស៊ឹម សុភ័ណ្ឌ...គេមកនៅហ្នឹងយូរដែរហើយប្រមាណ ១-២ឆ្នាំហើយ ឃើញនៅជាមួយគ្រួសារ"។ ប្រភពពីអ្នកភូមិម្នាក់។
ចំពោះតម្លៃនៃដីវិញ ប្រភពពីអ្នកភូមិដដែលឲ្យដឹងថា តាមលោកដឹង មានតម្លៃជាង ១០ម៉ឺនដុល្លារអាមេរិកឯណោះ។ ដូច្នេះបូករួមទាំងផ្ទះដែលសាងសង់មិនទាន់ស្រេចបាច់១០០%ផងនោះ សរុបទាំងអស់អាចឈានដល់២០ដុល្លារអាមេរិកឯណោះ។
ជុំវិញដំណឹងទិញដី និងសង់ផ្ទះខាងលើនេះ លោក ស៊ឹម សុភ័ណ្ឌ បានទទួលស្គាល់ថា ជារឿងពិត ដូចគេនិយាយមែន។ "បាទ...បងនោះជាដី និងផ្ទះរបស់ខ្ញុំពិតមែន...តែមិនជាកម្មសិទ្ធិផ្ដាច់របស់ខ្ញុំតែម្នាក់ឯងទេ គឺជារបស់គ្រួសារ...និយាយទៅទម្រាំបានផ្ទះនៅប៉ុណ្ណឹង ពិបាកណាស់បងអើយ វេទនាចង់ងាប់ហើយ!”។
តួប្រុសក្នុងរឿង "បិសាចគួរឲ្យស្រឡាញ់" ប្រាប់ទៀតថា អចលនទ្រព្យខាងលើ គឺដំបូងឡើយ គ្រួសារលោក បានចូលលុយគ្នាជាមួយមាម្នាក់ទិញដី ដែលមានតម្លៃជាង ១០ម៉ឺនដុល្លារ។ ក្រោយទិញហើយ ទើបពុះជា២ប្លង់ចែកគ្នា និងសង់ផ្ទះនៅរៀងខ្លួន ដោយពុំមានជំនួយពីខាងណាទេ។ "ពីណាមកជួយបងអើយ បើយើងមិនជួយខ្លួនឯង លុយខ្លួនឯងខ្លះ ខ្ចីធនាគារខ្លះ ផ្សែផ្សំលិចកើតទៀត ទម្រាំបាន គ្មាននរណាគេជួយយើងទេ!”។
ដោយសារមានទីតាំងល្អ ក្រៅពីធ្វើផ្ទះល្វែងសម្រាប់រស់នៅហើយ សុភ័ណ្ឌ បានប្រាប់ថា ក្រុមគ្រួសារលោក ក៏បានឆ្លៀតធ្វើជាបន្ទប់សម្រាប់ជួលឲ្យកម្មករទៀត ដែលអាចផ្ដល់ចំណូលបានគួរសមជារៀងរាល់ខែ៕