លែងពិបាក! PCX ធ្លាប់តែលក់នៅតាមហាងតូចៗ ឥឡូវមានលក់ក្នុងក្រុមហ៊ុនហើយ

2018-04-09 06:47:07
ចំនួនមតិ 0 | ចំនួនចែករំលែក 0

ចន្លោះមិនឃើញ

NCX ក្រុមហ៊ុនទទួលបានសិទ្ធិដំឡើង និងចែកចាយផ្ដាច់មុខ ម៉ូតូ HONDA នៅកម្ពុជា បានរៀបចំកម្មវិធី “រាត្រីជួបជុំដៃគូអាជីវកម្មក្រុមហ៊ុន NCX” ដែលធ្វើនៅថ្ងៃទី៦ មេសា ក្នុងសណ្ឋាគារ សូហ្វីហ្វីតែល ភូគីត្រា ភ្នំពេញ ដោយបង្ហាញរូបរាងម៉ូតូ PCX សេរ៊ីថ្មីផងដែរ។

នេះជាលើកដំបូងហើយសម្រាប់ NCX ដែលនាំចូលម៉ូតូម៉ូដែលមួយនេះ មកលក់ជាផ្លូវការក្នុងទីផ្សារស្រុកខ្មែរ ដោយឆ្នាំមុនៗ មានលក់នៅតាមហាងតូចៗប៉ុណ្ណោះ។

PCX សេរ៊ីចុងក្រោយមួយនេះ មានលក្ខណៈពិសេសដូចជា៖

ភ្លើងចង្កៀងមុខ LED ភ្ជាប់ជាមួយភ្លើងឌឺមី LED
មាន LED បញ្ចាំងទៅផ្នែកខាងក្រោមនៃម៉ូតូ
SMART Key ដែលមានប៊ូតុងចុចភ្លើង Welcome Light និងបន្លឺសំឡេង ដើម្បីងាយស្រួលរក ប៊ូតុងការពារចោរកម្ម ដោយមានសំឡេងរោទ៍ពេលម៉ូតូបម្លាស់ទី ឬរំញ័រ និងប៊ូតុងបើក ឬបិទ លើប្រព័ន្ធដំណើរការរវាង SMART Key និង SMART Controller
ភ្លើងចង្កៀងក្រោយ LED
ប្រអប់ដាក់សម្ភារៈធំ និងមានប្រព័ន្ធសាកថ្ម៕