ភ្ញាក់ផ្អើល! មិននឹកស្មានថា Pey Pey Dy ដើរលេង២ថ្ងៃនៅសៀមរាបចាយអស់ប៉ុណ្ណឹង

2018-04-15 08:08:29
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងពូកែកំប្លុកកំប្លែងលើបណ្ដាញសង្គម Pey Pey Dy ក៏មកដើរលេងចូលឆ្នាំនៅខេត្តសៀមរាបដែរ ជាមួយសង្សាររបស់ខ្លួន និងមិត្តភក្ដិ៥នាក់ទៀត។ ស្របពេលដែលតារាពូកែលេងសម្ដីរូបនេះ កំពុងតែញ៉ាំបាយយ៉ាងញាប់មាត់នៅមុខអង្គរ ក៏ឆ្លៀតពេលផ្ដល់បទសម្ភាសខ្លះៗមកកាន់ Sabay អំពីការដើរកម្សាន្ត និងការចំណាយរបស់ខ្លួន។

និយាយរៀបរាប់ទាំងមុខញញឹមពព្រាយ Pey Pey Dy ប្រាប់ថា មកដើរលេង២ថ្ងៃនេះ ចំណាយអស់ក្នុងមួយថ្ងៃល្បាក់ត្រឹម ៣០ ទៅ៤០ដុល្លារប៉ុណ្ណោះ។ ការចំណាយនេះ Pey Pey Dy គិតតែខ្លួនឯងប៉ុណ្ណោះមិនបានចេញឲ្យសង្សារ ឬមិត្តភក្ដិទេ ដោយជ្រើសរើសការចែករំលែកគ្នាចំណាយ។ ដូច្នេះទើបចាយអស់មិនសូវច្រើន រាប់បញ្ចូលទាំងថ្លៃធ្វើដំណើរ ស្នាក់នៅ និងអាហារជាដើម។

Pey Pey Dy និងសង្សារ

Pey Pey Dy និយាយថា ២ថ្ងៃនៅសៀមរាប នេះសប្បាយឡើងអស់ដៃតែម្ដង ដោយមិនប្រកាន់ថាខ្លួនតារាល្បីអីនោះទេ គឺបានទៅរាំលេងកម្សាន្ត ដើរមើលគេមើលឯង យ៉ាងរំភើយ។ «បើនិយាយពី Pub Street គឺមិនទៅមិនបានតែម្ដង ត្រូវតែទៅហើយ។» Pey Pey Dy និយាយ។

តារាជំនាញច្រើនយ៉ាងនេះ ក៏បង្ហើបដែរថា ថ្ងៃស្អែកនេះនឹងត្រឡប់ទៅភ្នំពេញវិញហើយ។ បន្ទាប់មកខ្លួន និងមិត្តភក្ដិ ព្រមជាមួយសង្សារនឹងទៅលេងប្រទេសជប៉ុនទៀតផង៕