Eto'o មើលឃើញកីឡាករម្នាក់ អាចនឹងក្លាយជា Messi ទីពីរ

2018-05-09 03:30:05
ចំនួនមតិ 0 | ចំនួនចែករំលែក 0

ចន្លោះមិនឃើញ

Samuel Eto'o ជឿជាក់ថា ខ្សែប្រយុទ្ធរបស់ក្លឹប Paris Saint-Germain កីឡាករ Kylian Mbappe អាចនឹងដើរតាមគន្លងជោគជ័យរបស់ Lionel Messi នៅក្នុងអាជីពបាល់ទាត់។

Eto'o ដែលបច្ចុប្បន្នកំពុងលេងឲ្យក្លឹប Konyaspor នៅប្រទេសទួរគី ធ្លាប់លេងជាមួយ Messi នៅ Barcelona អំឡុងឆ្នាំ២០០៤ដល់២០០៩។ កីឡាករវ័យ៣៧ឆ្នាំបានរាយរាប់ពីអ្វីដែលខ្លួនធ្លាប់បានឃើញពី Mbappe និងសន្និដ្ឋានពីអនាគតរបស់យុវជនរូបនេះ។

Eto'o បានលើកឡើងថា Mbappe អនាគតអាចជា Messi ថ្មី ប្រសិនជាគេអាចគ្រប់គ្រងទម្រង់លេងរបស់ខ្លួនល្អបែបនេះរហូត។ ហើយត្រូវបង្កើតស្នាដៃឲ្យបានច្រើន ដើម្បីបង្កើតអាជីពដ៏ល្អមួយ។ កីឡាករសញ្ជាតិកាមេរ៉ូនក៏សង្ឃឹមថ្ងៃណាមួយអាចមានឱកាសនិយាយជាមួយ Mbappe ផងដែរ។

Mbappe វ័យ១៩ឆ្នាំ ពេលនេះកំពុងនៅជាកីឡាករខ្ចីជើងពី Monaco នៅឡើយ។ តែចប់រដូវកាលនេះ PSG នឹងទិញផ្ដាច់ក្នុងតម្លៃខ្លួន១៦៦លានផោន។ រដូវកាលនេះយុវជនបារាំងរកបាន១៧គ្រាប់ហើយ ក្នុងការបង្ហាញខ្លួន៤០ប្រកួតគ្រប់កម្មវិធីឲ្យ PSG៕