Gary Neville ចង់ធ្វើរឿងមួយបើ Liverpool ឈ្នះ Champions League

2018-05-18 03:47:37
ចំនួនមតិ 0 | ចំនួនចែករំលែក 0

ចន្លោះមិនឃើញ

Gary Neville បាននិយាយថាបើសិនជា Liverpool ឈ្នះ Champions League អាចធ្វើឲ្យរដូវកាលនេះជាពេលវេលាដ៏អាក្រក់បំផុតរបស់ខ្លួន។

Neville

វីរបុរស និងជាអតីតខ្សែការពារ Manchester United សង្ឃឹមថា Real Madrid នឹងបំផ្លាញក្ដីស្រមៃឈ្នះជើងឯកលើកទី៦របស់ Liverpool នៅទីក្រុង Kiew ប្រទេសអ៊ុយក្រែន នៅថ្ងៃទី២៦ ឧសភា សប្ដាហ៍ក្រោយ។

Manchester City ជាគូប្រជែងនៅទីក្រុងតែមួយបានឈ្នះ Premier League គឺជាសុបិនអាក្រក់រួចទៅហើយ ដូច្នេះបើសិន United ចាញ់វគ្គផ្ដាច់ព្រ័ត្រ FA Cup ទល់ Chelsea ហើយ Liverpool ឈ្នះ Champions League ទៀតនោះវាគឺជារឿងដែលអ្នកគាំទ្របិសាចក្រហមដូចជាលោកឈឺចាប់បំផុត។

"បើរឿងទាំងនេះកើតមែនវាមិនខុសពីឋាននរកទេសម្រាប់ខ្ញុំ។ និយាយដោយស្មោះខ្ញុំនឹងទៅទីណាឆ្ងាយគ្មាន Wifi ឬសេវាទូរស័ព្ទ។ ខ្ញុំជឿថាអ្នកគាំទ្រ United ឯទៀតនឹងកក់សំបុត្រយន្តហោះចេញក្រៅក្រុង ចូលព្រៃអាម៉ាហ្សូន។ យ៉ាងណាខ្ញុំសង្ឃឹមថា Ronaldo នឹងស៊ុតបាន៣គ្រាប់ក្នុងប្រកួតនោះហើយឲ្យពួកយើងបានធូរចិត្ត"។ Neville និយាយដូច្នេះ៕