រវល់ជាន់កយ៉ាងណាក៏ Andy Lau ខំជ្រៀតគេឯងមកអបអរកូនក្នុងថ្ងៃបញ្ចប់ការសិក្សាដែរ

2018-06-13 04:21:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងនាមជាឪពុកពោរពេញទៅដោយក្ដីស្រឡាញ់ចំពោះកូន ទោះបីរវល់យ៉ាងណាក៏ Andy Lau ខំឆ្លៀតពេលដ៏សែនមមាញឹកទៅអបអរកូនស្រីក្នុងថ្ងៃបញ្ចប់ការសិក្សាដែរ។

កុមារី Hanna Lau កូនស្រីរបស់កំពូលតារាហុងកុង Andy Lau បានបញ្ចប់ការសិក្សាថ្នាក់មត្តេយ្យហើយកាលពីថ្ងៃទី ០៦ ខែមិថុនា ឆ្នាំ ២០១៨។ ពិធីបញ្ចប់ការសិក្សានេះ ក៏មានការចូលរួមពីឪពុក Andy Lau និងអ្នកម្ដាយ Carol Chu ជាហេតុធ្វើឲ្យអាណាព្យាបាលផ្សេងទៀតមានការភ្ញាក់ផ្អើលគួរសម។

គ្រប់គ្នានៅក្នុងកម្មវិធីនោះ បានផ្ដោតចក្ខុមកលើប្ដីប្រពន្ធតារាល្បីនេះស្ទើរមិនចង់ដកភ្នែកចេញ ហើយថែមទាំងថតរូបទុក និងចែកចាយពេញបណ្ដាញសង្គម។ ចំណែក Andy និងភរិយាវិញមិនខ្វល់អ្វីទេ មានតែសើចសប្បាយនឹងទិវាពិសេសនេះទៅវិញ ពិសេសពេលឃើញកូនខ្លួន។

Andy និងភរិយា កំពុងសម្លឹងមើលកូនទទួលសញ្ញាប័ត្រ

ដល់ពេលកូនស្រីសំណព្វចេញមកទទួលសញ្ញាប័ត្រ Andy ក៏បានងើបឈរ និងទះដៃអបអរ ស្របពេលភរិយាអង្គុយដដែល ប៉ុន្តែព្យាយាមផ្ដិតយករូបភាពកូនជាច្រើនសន្លឹក។ ឈានដល់ពេល Hanna ចេញមកសម្ដែងជាមួយមិត្តរួមថ្នាក់ លោកឪពុករបស់នាងទស្សនាកូនស្រីដោយក្ដីពេញចិត្ត និងបង្ហាញស្នាមញញឹមជាប់ជានិច្ច៕

ប្រភព៖ jaynestars ប្រែសម្រួល៖ យី សុធារី