តំបន់មួយនៅភ្នំពេញអាជ្ញាធរដាក់ស្លាកហាមបង្ហោះដ្រូន
- 2018-06-15 23:45:00
- ចំនួនមតិ 0 | ចំនួនចែករំលែក 0
តំបន់មួយនៅភ្នំពេញអាជ្ញាធរដាក់ស្លាកហាមបង្ហោះដ្រូន
ចន្លោះមិនឃើញ
នៅមុខបរិវេណខាងមុខព្រះបរមរាជវាំង និងសួនច្បារជាប់មាត់ទន្លេ ចាប់ពីមុខវត្តឩណ្ណាលោម រហូតដល់សាលសន្និសីទចតុមុខ ត្រូវបានអាជ្ញាធរដាក់ដាំបង្គោលធ្វើពីដែកដែលមានរូបដ្រូន ដោយសរសេរជាភាសាខ្មែរ "ហាមបង្ហោះដ្រូន" និងជាភាសាអង់គ្លេស “ NO TRONE ZONE ” ។ ស្លាកនេះបញ្ចាក់ន័យថា តំបន់នេះហាមមិនឲ្យបង្ហោះដ្រូន។
រឿងស្រដៀងនេះដែរកាលពីថ្ងៃចន្ទដើមសប្ដាហ៍តំបន់រមណីយដ្ឋានអង្គរខេត្តសៀមរាបក៏ត្រូវអាជ្ញាធរជាតិអប្សរាចាត់វិធានការតឹងរឹងសម្រាប់ចំពោះការបង្ហោះដ្រូននៅតំបន់នេះផងដែរ។ ការបង្ហោះត្រូវតែសុំច្បាប់អនុញ្ញាតពីអាជ្ញាធរពាក់ព័ន្ធជាមុន។
អាជ្ញាធរជាតិអប្សរា និងស្ថាប័នពាក់ព័ន្ធ ក៏នឹងរៀបចំឲ្យមានការដាក់តាំងផ្ទាំងប៉ាណូ ការដាក់សញ្ញាហាមឃាត់នៅលើបណ្ណទស្សនា និងការផ្សព្វផ្សាយនៅលើគេហទំព័រទេសចរណ៍ផងដែរ។
បើតាមសារព័ត៌មាន KleyKley ចុះផ្សាយកាលពីថ្ងៃទី១១ មិថុនាកន្លងទៅបានស្រង់សំដីរបស់ លោក សុខ សង្វារ អគ្គនាយករងនៃអាជ្ញាធរជាតិអប្សរាស្តីពីការបង្ហោះដ្រូននេះថា " កំណើននៃដ្រូនក្នុងតំបន់អង្គរនេះ ជាហានិភ័យដល់ប្រាង្គប្រាសាទនានា បង្កការរំខាន និងអាចប៉ះពាល់ដល់សុវត្ថិភាពរបស់ប្រជាពលរដ្ឋក្នុងរមណីយដ្ឋានអង្គរ និងភ្ញៀវទេសចរថែមទៀតផង។ ម្យ៉ាងវិញទៀត ដ្រូនជាបច្ចេកវិជ្ជាដ៏ទំនើប ដែលអាចបង្កភាពងាយស្រួល ដល់ក្រុមភេរវកម្មក្នុងការបំផ្លាញដល់រមណីយដ្ឋានបេតិកភណ្ឌពិភពលោក។ " ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
