ទឹកប្រាក់លើសឆ្នាំមុន គង់ ចាន់ស្រីមុំ និងស្វាមី ឧបត្ថម្ភដល់មន្ទីរពេទ្យ គន្ធបុប្ផា

2018-06-20 08:49:50
ចំនួនមតិ 0 | ចំនួនចែករំលែក 0

ចន្លោះមិនឃើញ

រសៀលនេះអ្នកនាង គង់ ចាន់ស្រីមុំ និងស្វាមីលោក គឹម សីហា បាននាំយកថវិកាចំនួន១០លានរៀល ជូនដល់មន្ទីរពេទ្យគន្ធបុប្ផា។ ទឹកប្រាក់ទាំងនេះអ្នកទាំងពីរបានមកពីការលក់សម្លៀកបំពាក់មួយទឹករយៈពេលប៉ុន្មានថ្ងៃកន្លងមកនេះ។

រូបភាព៖ ហ្វេសប៊ុក គង់ ចាន់ស្រីមុំ

បើតាមលោក គឹម សីហា ជាស្វាមីឲ្យដឹងថា ឆ្នាំនេះលោក និងភរិយា បរិច្ចាគថវិកាដល់មន្ទីរពេទ្យ គន្ធបុប្ផា ច្រើនជាងឆ្នាំមុន គឺដល់១០លានរៀលឯណោះ។"គម្រោងពួកយើងទាំងពីររៀបចំយូរហើយ គឺប្រមូលថវិកាពីការលក់សម្លៀកបំពាក់មួយទឹករបស់ភរិយា ដោយឆ្នាំនេះបានទឹកប្រាក់ច្រើនជាងឆ្នាំកន្លងទៅ។ នេះជាទឹកចិត្តរបស់យើងទាំងពីរ រួមទាំងអ្នកគាំទ្រ ក្នុងការជួយគ្នាទៅវិញទៅមក"។ ស្វាមីអ្នកនាង គង់ ចាន់ស្រីមុំ ថ្លែងឲ្យដឹងក្នុងពិធីប្រគល់ថវិកាចំនួន ១០លានរៀល ដល់មន្ទីរពេទ្យ គន្ធបុប្ផា។

រូបភាព៖ ហ្វេសប៊ុក គង់ ចាន់ស្រីមុំ

នេះជាលើកទី២ហើយដែលគូស្វាមីភរិយា១គូនេះ បានយកថវិកាមកជួយឧបត្ថម្ភដល់មន្ទីរ ពេទ្យខាងលើ ដោយកាលពីខែកក្កដា ឆ្នាំកន្លងទៅ អ្នកទាំងពីរបានបរិច្ចាកថវិកាចំនួន ៧ ៧៧០ ០០០ រៀលផងដែរ៕