Adele ចូលច្រៀងវិញ និងប្រកាសថ្ងៃបញ្ចេញអាល់ប៊ុមថ្មី

2018-06-25 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាចម្រៀងសំឡេងបាន Adele បានបញ្ចេញអាល់ប៊ុមចុងក្រោយខ្លួន ចំណងជើង "២៥" កាលពីឆ្នាំ ២០១៥។ បន្ទាប់ពីអស់រយៈពេល ៣ឆ្នាំនៅខាងក្រៅស្ទូឌីយ៉ោ ពេលនេះមានប្រភពព័ត៌មានជាច្រើនបានរាយការណ៍ថា Adele កំពុងតែរៀបចំថតបទចម្រៀងថ្មីៗ។

ប្រភពទាំងនោះបានប្រាប់ The Sun ថាម្ចាស់បទ "Hello” បានជួបប្រជុំជាមួយ ក្រុមហ៊ុនផលិតចម្រៀងរបស់នាង ដើម្បីរៀបចំផលិតអាល់ប៊ុមទី៤ គ្រោងដាក់បញ្ចេញនៅរដូវគ្រីស្តម៉ាសឆ្នាំ ២០១៩ខាងមុខ។

បើយោងទៅតាម សារព័ត៌មាន The Sun តារាវ័យ ៣០ឆ្នាំនេះ បានជួបប្រជុំអំពីគម្រោងថតចម្រៀងនៅដើមខែ នៅការិយាល័យក្រុមហ៊ុន Sony ទីក្រុងឡុង និងគ្រោងចំណាយពេលរដូវក្ដៅនេះដើម្បីនិពន្ធបទចម្រៀងថ្មីៗ។

២ឆ្នាំកន្លងទៅនេះ Adele បានបញ្ចប់តន្ដ្រីទេសចរណ៍ទូទាំងពិភពលោករបស់នាង ដោយប្រាប់ឲ្យអ្នកគាំទ្ររងចាំយូរបន្តិចមុននាងត្រលប់មកវិញ។ បន្ទាប់ពីបញ្ចេញអាល់ប៊ុម "១៩"នៅឆ្នាំ ២០០៨ "២១"នៅឆ្នាំ ២០១១ និង "២៥"នៅឆ្នាំ ២០១៥ Adele នឹងត្រលប់មកវិញឆ្នាំក្រោយនេះហើយ៕

ប្រភព៖ Dailymail ប្រែសម្រួល៖ ធារ៉ូ