មានតែក្មេងទសវត្សរ៍ ៨០ និង ៩០ ធ្លាប់ប្រើប្រាស់ឆ្នាំងអ៊ុតក្បាលមាន់

2018-07-04 02:30:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ឆ្នាំងអ៊ុតក្បាលមាន់ គឺជាឆ្នាំងអ៊ុតមួយប្រភេទពេញនិយមនៅស្រុកខ្មែរអំឡុងទសវត្សរ៍ ៨០ និង ៩០។ ប៉ុន្តែឆ្នាំងអ៊ុតនេះមិនមែនកើតមាននៅអំឡុងឆ្នាំខាងលើនោះទេ គឺឆ្នាំងអ៊ុតក្បាលមាន់បានចាប់ផ្ដើមវត្តមាននៅអំឡុងសម័យអាណានិគមនិយមបារាំង ដែលបានមកគ្រប់គ្រងប្រទេសកម្ពុជាអស់រយៈពេល៩០ឆ្នាំ។

រូបភាពឆ្នាំងអ៊ុតក្បាលមាន់នេះថតដោយក្រុមការងារ Sabay ដែលមានទីតាំងនៅផ្ទះធ្វើក្អម-ឆ្នាំងមួយកន្លែង ជាប់ជើងភ្នំក្រាំងដីមាស ស្រុករលៀប្អៀរ ខេត្តកំពង់ឆ្នាំង។

ក្រោយពីប្រទេសកម្ពុជាទាមទារឯករាជ្យបានពេញលេញនៅអំឡុងឆ្នាំ ១៩៥៣ បារាំងបានដកខ្លួនចេញ ហើយក៏បានបន្សល់នូវសម្ភារៈមួយចំនួន ក្នុងនោះ មានឆ្នាំងអ៊ុតក្បាលមាន់ ដែលបារាំងប្រើប្រាស់សម្រាប់អ៊ុតខោ-អាវ។ ឆ្នាំងអ៊ុតនេះបានបន្តវត្តមានរហូតមកដល់ទសវត្សរ៍ ៨០-៩០ ដែលពេញនិយមបំផុតនៅកម្ពុជា ប៉ុន្តែបច្ចុប្បន្នវត្តមានឆ្នាំងអ៊ុតបុរាណប្រភេទនេះស្ទើរបាត់ទៅហើយជំនួសមកវិញនូវឆ្នាំងអ៊ុតទំនើបនាសម័យកាលបច្ចេកវិទ្យា។

តើចំណុចពិសេសនៃឆ្នាំងអ៊ុតក្បាលមាន់នៅត្រង់ណា? ចម្លើយគឺនៅលើក្បាលមាន់តែម្ដង ព្រោះថាកាលពីជំនាន់នោះគេយកស្ពាន់បូរាណ ដែលគេអាចហៅបានថាជា (ស្ពាន់ត្រជាក់) មកស្លធ្វើជាក្បាលមាន់ ក្នុងគោលបំណងមិនចង់ឲ្យអ្នកប្រើប្រាស់ក្ដៅដៃ នៅពេលបើកដាក់ធ្យូងបន្ថែម។ ចំណុចមួយទៀតឆ្នាំងអ៊ុតនេះ នៅពេលដែលយើងប្រើប្រាស់គឺអ៊ុតខោ-អាវបានរៀបស្មើល្អ។