ឃើញរូបភាពនេះ នឹកឃើញកាលនៅក្មេង មិនស្គាល់ទុក្ខសោកអីនោះទេ
- 2018-07-07 07:43:22
- ចំនួនមតិ 0 | ចំនួនចែករំលែក 0
ឃើញរូបភាពនេះ នឹកឃើញកាលនៅក្មេង មិនស្គាល់ទុក្ខសោកអីនោះទេ
ចន្លោះមិនឃើញ
ធ្លាប់ទេ យកធាងធាងចេកអូសគ្នាលេង? ក្មេងៗនៅទសវត្ស ៨០ ជាពិសេសក្មេងនៅតាមជនបទភាគច្រើនសុទ្ធតែធ្លាប់បានលេងល្បែងនេះ។ ចំណែកឯក្មេងទីក្រុងមួយចំនួន គេប្រើក្ដាបន្ទះ ខ្លះមានកង់ ខ្លះអត់ ហើយក្មេងអង្គុយលើនាំគ្នាអូសយ៉ាងសប្បាយហាក់គ្មានស្គាល់ក្ដីទុក្ខកង្វល់អ្វីឡើយ។ ទាំងនេះគឺជានិស្ស័យក្មេង។
រូបភាពនេះ ក្រុមការងារ Sabay បានផ្ដិតបាននៅឯក្បែរវត្តមួយកន្លែង ស្ថិតនៅស្រុកឯកភ្នំ ខេត្តបាត់ដំបង។ មនុស្សពាក់អាវក្រហម ឯក្មេងតូចពាក់អាវខៀវ ខោវខ្លីពណ៌ក្រហម បានយកធាងចេក ហើយឲ្យក្មេងតូចអង្គុយលើ រួចហើយបុរសវ័យជំទង់ខាងលើបានអូស ដែលធ្វើឲ្យក្មេងនោះមានអារម្មណ៍សប្បាយរីករាយ។
ឯក្មេងឯទៀត នៅក្បែរនោះក៏បានទៅកាប់ធៀងចេក មកលេងដូចគ្នានេះ នៅមុខបរិវេណវត្តមួយ ដែលមានស្មៅតិចៗ ក្រោមបរិយាកាស នៃអាកាសធាតុស្រទុំ នាពេលល្ងាច ម៉ោងប្រមាណជា ៤រសៀល។
នៅពេលកាម៉េរ៉ា របស់ក្រុមការងារតម្រង់ទៅកាន់ក្មេងប្រុសតូចកំពុងអង្គុយលើធាងចេក ដែលបកចេញពីដើមអូសលេងកម្សាន្ត ក្មេងតូចនេះ បានប្រើកែវភ្នែកសំលឹងមិនដាក់ភ្នែកមកកាន់ អ្នកថត។
តើប្រិយមិត្តធ្លាប់លេងទេ? មានអារម្មណ៍ដូចម្ដេចដែរ ពេលឃើញសកម្មភាពទាំងនេះ?
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
