រំភើប! ទីបំផុតរកឃើញអ្នកដឹកនាំរឿង "Black Widow” ហើយ!

2018-07-15 09:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់គម្រោងនេះបានបញ្ចេញភ្លើងខៀវដោយផលិតកម្ម Marvel ពេលនេះបានរកឃើញអ្នកដឹកនាំរឿងហើយ។ បើយោងទៅតាមសារព័ត៌មាន The Hollywood Reporter បានឲ្យដឹងថា អ្នកដឹកនាំរឿងសញ្ជាតិអូស្ត្រាលី អ្នកស្រី Cate Shortland។ អ្នកដឹកនាំរូបនេះត្រូវបានគេស្គាល់តាមរយៈការដឹកនាំរឿងល្បីៗដូចជា "Lore” ជាភាពយន្តបែបសង្គ្រាមលោកលើកទី២ និងភាពយន្ត "Berlin Synrome” ជាភាពយន្តរន្ធត់ ដែលបានបញ្ចេញកាលពីឆ្នាំមុន។

នេះមិនមែនជាការងាយស្រួលទេ ក្នុងការជ្រើសរើសអ្នកដឹកនាំរឿងនេះ ព្រោះដំណើរការជ្រើសរើសបានចាប់ផ្ដើមតាំងពី អ្នកដឹកនាំរឿងសរុប ៧០នាក់។ ទោះបីជាផលិតកម្ម Marvel មិនទាន់បញ្ចេញពាក្យពេចន៍អ្វីពាក់ព័ន្ធនឹងការប្រកាសនេះក៏ដោយ លោក Jac Schaeffer ត្រូវបានគេជ្រើសរើសឲ្យក្លាយជាអ្នកសរសេរសាច់រឿង។ មិនខុសពីរឿង "Captain Marvel” ប៉ុន្មាន ភាពយន្ត "Black Widow” នេះនឹងរៀបរាប់ពីហេតុការណ៍ មុនរឿង "Avengers”។

គូសបញ្ជាក់ថា តួអង្គ Black Widow សម្ដែងដោយ Scarlett Johansson បានបង្ហាញខ្លួនលើកដំបូងនៅក្នុងរឿង "Iron Man II” កាលពីឆ្នាំ ២០១០ ហើយក៏បានបង្ហាញបន្តបន្ទាប់ក្នុងរឿង "Captain America: The Winter Soldier”, “Captain America: Civil War” និងភាពយន្ត Avengers ទាំង៣វគ្គ៕