ការិយាល័យកណ្ដាល «ក» លត់ពោធិ៍ចិនតុង ១០-១ ពាន Acleda Cup
- 2018-08-05 06:43:46
- ចំនួនមតិ 0 | ចំនួនចែករំលែក 0
ការិយាល័យកណ្ដាល «ក» លត់ពោធិ៍ចិនតុង ១០-១ ពាន Acleda Cup
ចន្លោះមិនឃើញ
ក្រុមបាល់ទាត់ការិយាល័យកណ្ដាល «ក» បានលត់ក្រុមបាល់ទាត់ ពោធិ៍ចិនតុង ១០-១ ក្នុងពានរង្វាន់ Acleda Cup 2018 កាលពីម្សិលមិញនេះនៅទីលានស្កាយសមុទ្រ។
១០គ្រាប់របស់ ការិយាល័យកណ្ដាល «ក» រកបានដោយកីឡាករ ប៊ុន ឃៀង ៥ គ្រាប់ ភឿន អ៊ុល ២ សេង ថៃ ១ គ្រាប់ សំ សេរីវុឌ្ឍ ១គ្រាប់ និងនេត ពិសិដ្ឋ ១ គ្រាប់។ ស្រប១គ្រាប់របស់ពោធិ៍ចិនតុងរកបានដោយកីឡាករ ស្នា យ៉ូវ។ ពីរក្រុមនេះមកពីពូល B ដោយការិយាល័យកណ្ដាល «ក» ឆ្លងកាត់ ៤ ប្រកួតឈ្នះ៤ ចាញ់១ រីឯពោធិ៍ចិនតុង៥ប្រកួតឈ្នះ ៣ស្មើ១ ចាញ់១។
នៅទីលានខាងលើដដែលក្រុមបាល់ទាត់ការិយាល័យកណ្ដាល «គ» យកឈ្នះ សាខាដូនពេញ ៥-៤ ដែល ៥ គ្រាប់របស់ការិយាល័យកណ្ដាល «គ» រកបានដោយកីឡាករ ធី សារ៉ាត់ ២ គ្រាប់ ពុធ សុភ័ក្រ ១ គ្រាប់ សេង កិចស្រ៊ុន ១ គ្រាប់ និងកន រិទ្ធិរីការ ១ គ្រាប់។ ចំណែក ៤ គ្រាប់របស់ដូនពេញរកបានដោយកីឡាករ អ៊ុំ សីថា ទាំង ៤ គ្រាប់។ ក្រុមទាំងពីរមកពីពូល A ដោយការិយាល័យកណ្ដាល «គ» ធ្វើការប្រកួតចំនួន ៥ លើកឈ្នះ២ ស្មើ៣ ខណៈដែលក្រុមដូនពេញ៥ប្រកួតឈ្នះ៣ស្មើ១ចាញ់១។
សម្រាប់ទីលានវេស្ទើនវិញមានពីរប្រកួតដូចគ្នា ដោយគូទី១ក្រុមសាខាស្រុកអង្គស្នួលយកឈ្នះក្រុមចំការដូង ៥-៣ ដែល ៥ គ្រាប់របស់អង្គស្នួលរកបានដោយ ឈាន បូរ៉ា ៤ គ្រាប់ និងយ៉ាន់ ប្រសិទ្ធិ ១ គ្រាប់។ ចំពោះ ៣ គ្រាប់របស់ចំការដូងរកបានដោយកីឡាករ ឡាញ់ ច័ន្ទ សុផាន់ណា ២ គ្រាន់ និងចាន់ ចនប៊ុណ្ណៈ ១ គ្រាប់។ ពីរក្រុមនេះមកពីពូល B ដោយ អង្គស្នួលប្រកួតបានចំនួន ៥ លើកឈ្នះ៣ ស្មើ១ ចាញ់១ ចំពេលដែល ចំការដូងប្រកួត៥ដងដូចគ្នាឈ្នះ ២ ស្មើ១ ចាញ់២។
សម្រាប់គូទី២នៅទីលានវេស្ទើនគឺក្រុម ផ្សារដើមថ្កូវយកឈ្នះក្រុម ស្រុកស្អាង ៤-២ ដែល ៤ គ្រាប់របស់ផ្សារដើមថ្កូវរកបានដោយកីឡាករ ណន ចាន់វណ្ណថុន ៣ គ្រាប់និង សារួន ភារី ១ គ្រាប់ ៥ប្រកួតរបស់ក្រុមនេះឈ្នះ២ ចាញ់៣។ សម្រាប់ស្រុកស្អាងវិញរកបាន២គ្រាប់ដោយកីឡាករ ទី ច័ន្ទធី និង ម៉ារុំ កែវចាន់ថារ័ត្ន ម្នាក់១គ្រាប់ ក្រុមនេះប្រកួត៥លើកចាញ់ទាំងអស់។ ក្រុមទាំងពីរមកពូល A ៕