West Ham មិនយកដាច់ខាត ទោះពេលនេះ Yaya Toure ទំនេរគ្មានក្លឹបលេង
- 2018-08-17 02:18:41
- ចំនួនមតិ 0 | ចំនួនចែករំលែក 0
West Ham មិនយកដាច់ខាត ទោះពេលនេះ Yaya Toure ទំនេរគ្មានក្លឹបលេង
ចន្លោះមិនឃើញ
Manuel Pellegrini បដិសេធមិនចុះកុងត្រាយក Yaya Toure ដែលជាអតីតកីឡាករ Manchester City មកកាន់ក្លឹប West Ham ឡើយ ព្រោះជួរកីឡាកររបស់លោកពេលនេះពេញល្អហើយ។
Toure វ័យ៣៥ឆ្នាំបានចាកចេញពី Etihad នៅរដូវក្ដៅនេះ ដោយសារកិច្ចសន្យាបានអស់ បន្ទាប់ពីចំណាយពេល៨ឆ្នាំជាមួយក្លឹប។ ត្បិតពេលនេះនៅទំនេរ តែលោក Pellegrini ដែលជាអតីតអ្នកចាត់ការ Man City ដែរនោះ សម្រេចមិនយកកូនចៅចាស់ Toure មករួមនៅ West Ham ឡើយ។
អ្នកចាត់ការសញ្ជាតិឈីលីបានប្រាប់ហេតុផលថា៖ “ Yaya Toureគឺជាកីឡាករល្អម្នាក់។ ហើយគេនៅតែជាកីឡាករល្អជារៀងរហូត ប៉ុន្តែសម្រាប់ពេលវេលានេះ គេមិនមែនជាជម្រើសរបស់ West Ham ទេ។ ពេលនេះជួរកីឡាកររបស់ West Ham ពេញល្អហើយ”។
ក្នុងរដូវក្ដៅនេះ West Ham បានចាយលុយយ៉ាងច្រើនជាង១០០លានផោន ក្នុងទីផ្សារដោះដូរកីឡាករកន្លងទៅ ដើម្បីនាំយកកីឡាករថ្មីៗល្អចូល។ ពួកគេបានបំបែកកំណត់ត្រាក្លឹបនាំចូលកីឡាករ២រូបដែលមានតម្លៃថ្លៃៗដូចជា Issa Diop ពីក្លឹបបារាំង Toulouse ២២លានផោននិង Felipe Anderson តម្លៃ៤១លានផោន៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
