កម្រមាន! មហោស្រពសិល្បៈគំនូរលើជញ្ជាំងខ្នាតអន្តរជាតិ ១គីឡូម៉ែត្រលើកដំបូង លេចមុខនៅខ្មែរ

2018-08-24 12:44:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្ងៃនេះមានការបើកសម្ពោធជាផ្លូវការនៃមហោស្រព "ការបង្កើតគំនូរលើជញ្ជាំងខ្នាតអន្តរជាតិមួយគីឡូម៉ែត្រ ការប្រារព្ធពិធីប្រគំតន្ត្រីរយៈពេល ៤៨ ម៉ោង ពិធីបុណ្យម្ហូបអាហារពិភពលោក ពិព័រណ៍ច្នៃប្រឌិតកំពូល"។

ប្រមូលផ្តុំសិល្បករថ្នាក់កំពូល ដែលមានទ្រង់ទ្រាយធំជាងគេ នៅក្នុងប្រទេសកម្ពុជា ដោយក្នុងនោះ ការទាក់ទាញដ៏ធំបំផុតមួយគឺ វិចិត្រសាលគំនូរលើជញ្ជាំងមួយគីឡូម៉ែត្រដំបូងគេនៅក្នុងតំបន់អាស៊ីអាគ្នេយ៍។ ការបង្កើតរូបគំនូរតាមជញ្ជាំងខ្នាតយក្សមួយនេះ ឆ្លុះបញ្ចាំងយ៉ាងច្បាស់ពីស្មារតីជាសាកល ដែលមានលក្ខណៈពិសេសគ្មានពីរនៃវិចិត្រករគំនូរលើជញ្ជាំង និងជំនាញដ៏អស្ចារ្យនៃគំនូរលើជញ្ជាំង។

ថ្ងៃនេះ គឺជាថ្ងៃបើកសម្ពោធជាផ្លូវការនៃមហោស្រពសិល្បៈគំនូរលើជញ្ជាំងខ្នាតអន្តរជាតិលើកដំបូងរបស់ព្រីនស៍ម៉ាណ័រនៅ ដែលជាមហោស្រពសិល្បៈគំនូរលើជញ្ជាំងខ្នាតអន្តរជាតិដំបូងគេបង្អស់ នៅក្នុងតំបន់អាស៊ីអាគ្នេយ៍ ដែលបានប្រារព្ធឡើងនៅភូមិដីឥដ្ឋកោះផុស ឃុំដីឥដ្ឋ ស្រុកកៀកស្វាយ ខេត្តកណ្តាល។

ក្នុងនាមជាគម្រោងលេចធ្លោដ៏សំខាន់មួយរបស់ក្រុមហ៊ុនព្រីនស៍ រៀល អ៊ីស្ទេត គ្រុប នៅក្នុងឆ្នាំនេះ អ្នកតំណាងម្នាក់នៅក្នុងក្រុមបានឱ្យដឹងថា៖ "យើងខ្ញុំបានចំណាយទាំងកម្លាំងកាយ និងកម្លាំងចិត្តយ៉ាងច្រើនក្នុងការរៀបចំគម្រោងនេះ ដើម្បីឱ្យវាក្លាយជាមហោស្រពសិល្បៈកម្រិតកំពូលមួយដែលមិនធ្លាប់មានពីមុនមក"។

មជ្ឈមណ្ឌលកម្សាន្តព្រីនស៍ម៉ាណ័រ ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុនព្រីនស៍ ខលឈ័រ អេន ធួរីសត៍ ឌីវេឡុបមិន ឬក្រុមហ៊ុនព្រីនស៍ ហ៊ទីខលឈ័រ ឌីវេឡុបមិន គឺជាគម្រោងទេសចរណ៍វប្បធម៌ប្រណិតដំបូងគេដែលក្រុមហ៊ុនព្រីនស៍ រៀល អ៊ីស្ទេត គ្រុប បានបោះដើមទុនដ៏ធំ សម្រាប់ការសាងសង់ នៅច្រាំងទន្លេមេគង្គនៃរាជធានីភ្នំពេញ ព្រះរាជាណាចក្រកម្ពុជា។ គម្រោងនេះមានទីតាំងស្ថិតនៅលើច្រាំងទន្លេមេគង្គ គ្របដណ្តប់លើផ្ទៃដីសរុបចំនួន ១៣៦ ០០០ ម៉ែត្រការ៉េ និងមានអត្រារុក្ខជាតិបៃតងដុះលូតលាស់ក្នុងបរិវេណចំនួន ៨៨% ។ ជាសួនកម្សាន្តសម្រាប់ថ្ងៃឈប់សម្រាក ដែលរួមបញ្ចូលការកម្សាន្ត ការសម្រាកលំហែកាយ និងកសិកម្មទំនើបជាបណ្តុំតែមួយ។

មហោស្រពសិល្បៈគំនូរលើជញ្ជាំងខ្នាតអន្តរជាតិរបស់ព្រីនស៍ម៉ាណ័រលើកនេះ ត្រូវបានប្រារព្ធឡើងក្នុងរយៈពេលពីរថ្ងៃ ហើយចំនួនមធ្យមនៃអ្នកចូលទស្សនាត្រូវបានរំពឹងថានឹងមានលើសពី ៥ ០០០នាក់ ក្នុងមួយថ្ងៃ។ ខ្លឹមសារសំខាន់ៗនៃព្រឹត្តិការណ៍នេះ រួមមាន ការបង្កើតគំនូរលើជញ្ជាំង ការប្រគំតន្ត្រី ពិធីបុណ្យម្ហូបអាហារឆ្ងាញ់ៗ ទីផ្សារច្នៃប្រឌិត ការតាំងពិព័រណ៌គ្រឿងបរិក្ខារ ការតាំងពិពណ៌សិល្បៈជីវិត គំនូរលើផ្ទៃមុខ។

ពិធីបុណ្យនេះគឺជាការ

នៅក្នុងព្រឹត្តិការណ៍នេះ យើងខ្ញុំបានអញ្ជើញវិចិត្រករគំនូរលើជញ្ជាំង ក្រុមតន្ត្រីករ ឌីជេល្បីៗដែលមកពីប្រទេសជាច្រើន និងអ្នកស្រលាញ់សិល្បៈ ដែលមកពីគ្រប់ទិសទីទូទាំងពិភពលោក។ សិល្បករដ៏ល្បីល្បាញទាំងនេះដែលមកពីទូទាំងពិភពលោក មិនត្រឹមតែនាំមកនូវការសម្តែងច្រៀង និងរាំ និងការប្រគំឧបករណ៍តន្ត្រីប៉ុណ្ណោះទេ ប៉ុន្តែក៏មានការសម្តែងពីបទចម្រៀងដើមប្រចាំក្នុងស្រុកផងដែរ។ លើសពីនេះទៅទៀត ក៏មានការសម្តែងផ្ទាល់ពីសិល្បករផ្សេងៗទៀត ដូចជា ស្នាដៃសិល្បៈសម្តែង ការព្យាបាលដោយរលកសំឡេង ពិធីបុណ្យសាសនាសាម៉ាន់ជាដើម។

ភាគជោគជ័យក្នុងការប្រារព្ធពិធីអបអរសាទរមហោស្រពសិល្បៈគំនូរលើជញ្ជាំងខ្នាតអន្តរជាតិលើកដំបូងរបស់ព្រីនស៍ម៉ាណ័រនៅប្រទេសកម្ពុជា នឹងក្លាយជាការទទួលស្គាល់ជាអន្ដរជាតិ និងសម្រេចបាននូវគោលដៅនៃការជំរុញឥទ្ធិពលនៃអាស៊ីអាគ្នេយ៍។

អត្ថបទ៖ ថា ម៉ាលីដា

ពាក្យទាក់ទង