ស្របពេលខ្លួនជាអ្នកមាន តារាទាំងនេះចាយលុយទាំងលានៗ ដូចជះទឹក អត់ខ្ចីខ្វល់
- 2018-08-28 08:13:51
- ចំនួនមតិ 0 | ចំនួនចែករំលែក 0
ស្របពេលខ្លួនជាអ្នកមាន តារាទាំងនេះចាយលុយទាំងលានៗ ដូចជះទឹក អត់ខ្ចីខ្វល់
ចន្លោះមិនឃើញ
ជីវិតជាតារាហូលីវូដ ភាគច្រើនតែងរស់នៅជាមួយភាពហ៊ឺហា សម្ភារនិយម និងមានអ្វីសព្វបែបយ៉ាងប្រើប្រាស់ទៅតាមកេរ្តិ៍ឈ្មោះមុខមាត់របស់ខ្លួន។ យ៉ាងណាក៏ដោយ ពេលខ្លះពូកគេក៏រិះថាំក្នុងការចំណាយដែរ មិនមែនចេះតែចាយទៅលើអ្វីមិនសំខាន់ឡើយ ព្រោះពួកគេគិតថារស់នៅបែបសាមញ្ញក៏ល្អ ឲ្យតែសុខ។ ប៉ុន្តែអ្នកខ្លះទៀត នៅពេលនឹកឃើញចង់បានអ្វីមួយ ពួកគេនឹងចំណាយលុយទិញភ្លាម ហើយវាមិនមែនជារឿងធំទេ ស្របពេលអ្នកទាំងនោះជាអ្នកមានលុយហូរហៀរ។
ខាងក្រោមនេះ គឺជាតារាប្រុសស្រីប៉ែក ហូលីវូដទាំង ៣០ ដែលពេញចិត្តនឹងជីវិតហ៊ឺហា និងចូលចិត្តបង្ហាញសម្ភារៈទាន់សម័យជារឿយៗ៖
១. តារាសម្ដែង Angelina Jolie
តារាស្រីរូបនេះ តែងលេចមុខជារឿយៗលើតារាងតារាសម្បូរទ្រព្យប្រចាំពិភពលោក។ ត្បិតពីអតីតនាងធ្លាប់ឆ្លងកាត់រឿងជូរចត់នៅវ័យកុមារ ប៉ុន្តែបច្ចុប្បន្ន នាងជាតារាស្រីម្នាក់ដែលមានទ្រព្យហូរហៀរ។ ទោះបីមានកូន ដល់ទៅ៦នាក់ក្នុងបន្ទុក តែមិនមែនជាបញ្ហាសម្រាប់នាងឡើយ។
២. តារាទូរទស្សន៍ Kim Kadarshian
ទ្រព្យសម្បត្តិផ្ទាល់ខ្លួនរបស់នាងមានរហូតទៅដល់ ៣០០លានដុល្លារ តែនៅតែតិចជាង Kylie។ នាងទិញឡានរាប់ភ្លេច ផ្ទះជាច្រើនខ្នង (ក្នុងនោះ ១ខ្នងបានលក់ចេញក្នុងតម្លៃ ១៨លានដុល្លារ) យន្តហោះផ្ទាល់ខ្លួនមួយគ្រឿង និងសម្លៀកបំពាក់ទាន់សម័យជាច្រើនសន្ធឹកសន្ធាប់។
៣. តារាចម្រៀង Lady Gaga
នាងកាន់កាប់ទ្រព្យសរុបទាំងអស់ ២២៥លានដុល្លារ និងវីឡាស្កឹមស្កៃតម្លៃ ២៣លានដុល្លារ។ Lady Gaga ក៏មានភោជនីយដ្ឋាន មួយកន្លែងក្នុងទីក្រុងញូវយ៉ក ដែលអាចផ្ដល់ចំណូលឲ្យនាង ៣៣ ០០០ ក្នុងមួយខែ។
៤. តារាចម្រៀង Taylor Swift
តារាស្រីរូបនេះ មានទ្រព្យ ២៨០លានដុល្លារ។ នាងមានវីឡានៅ តំបន់ Beverly Hills មួយកន្លែង នៅតំបន់ Nashville មួយកន្លែង និង ផ្ទះប្រភេទ Penthouse នៅទីក្រុងញូវយ៉កមួយកន្លែង និងកាន់កាប់អចលនទ្រព្យនៅកោះ Rhode Island ដែលសរុបចូលគ្នាមានតម្លៃ ៨៤លានដុល្លារ។
៥. តារាចម្រៀង Selena Gomez
នាងមានផ្ទះដ៏ធំស្កឹមស្កៃមួយខ្នងតម្លៃ ២,៨លានដុល្លារ ក្នុងទីក្រុង Studio។ នាមជាតារាល្បីរបស់នាង មិនធម្មតាទេ មានន័យថាសូម្បីបង្ហោះរូបភាពលើបណ្ដាញសង្គម ក៏ Selena អាចរកលុយបានងាយៗដែរ។
៦. តារាចម្រៀង Katy Perry
Katy ដែលបច្ចុប្បន្នកាន់កាប់ទ្រព្យសរុប ២២៥លានដុល្លារ មានផ្ទះមួយកន្លែងតម្លៃ ៩លានដុល្លារនៅ Hollywood Hills និងមានឡានជាច្រើនគ្រឿង។កាន់តែគួរឲ្យសរសើរ នាងថែមទាំងបានទិញឡានឲ្យជំនួយការ ៥នាក់របស់ខ្លួនម្នាក់១គ្រឿងទៀតផង។
៧. តារាទូរទស្សន៍ Kylie Jenner
ទ្រព្យសម្បត្តិសរុបរបស់ Kylie មានរហូតជិតដល់ ១ពាន់លានដុល្លារ។ ត្បិតនៅវ័យក្មេងមែន ប៉ុន្តែលុយនាងមិនខ្វះចាយឡើយ ដូចនេះសម្ភារៈប្រើប្រាស់ទាំងឡាយរបស់នាងក៏មានតម្លៃមិនតិចដែរ។ តួយ៉ាងដូចរ៉ូបម៉ាក Gucci មួយសម្រាប់ ដែលនាងធ្លាប់ស្លៀកកន្លងមកមានម៉ូដសាមញ្ញបំផុត ប៉ុន្តែតាមពិតវាមានតម្លៃដល់ទៅ ១០ ០០០ដុល្លារ។ នាងមានផ្ទះតម្លៃ ១២លានដុល្លារនៅរដ្ឋ California ដែលរៀបចំប្រណីតបំផុត។ ក្រៅពីនោះ Kylie សម្បូររថយន្តទំនើបច្រើនរាប់ភ្លេចដែរ។
៨. តារាសម្ដែង Dwayne Johnson
បន្ទាប់ពីឈានជើងចូលវិស័យហូលីវូដ Dwayne Johnson ដែលជាទូទៅហៅថា The Rock មានឱកាសកើបលុយបានច្រើនបំផុត។ ក្រៅពីមានផ្ទះសម្រាប់នៅផ្ទាល់ខ្លួន The Rock ក៏មានផ្ទះប្រភេទ Penthouse ដាក់ជួលក្នុងតម្លៃ ២០លានដុល្លារក្នុង១ខែដែរ ស្ថិតក្នុងទីក្រុងញូវយ៉ក។ ក្រៅពីនេះ លោកក៏មានឡានស៊េរីទំនើបៗចុងក្រោយច្រើនគ្រឿង និងយន្តហោះ តម្លៃ ៦៥លានដុល្លារមួយគ្រឿង។
៩. តារាចម្រៀង Justin Bieber
ទ្រព្យសរុបរបស់ JB មានរហូតទៅដល់ ២២៥លានដុល្លារ។ លោកក៏មានផ្ទះថ្លៃរាប់លានដុល្លារសម្រាប់ដាក់ជួលនៅទីក្រុង Los Angeles និងញូវយ៉ក។ Justin ក៏ជាតារាម្នាក់ដែលចូលចិត្តប្ដូររថយន្តទំនើបជិះខ្លាំងដៃដែរ ស្របពេលខ្លួនជាអ្នកមានលុយចាយមិនខ្វះ។
១០. តារាចម្រៀង Beyonce
តារាស្រីរូបនេះ និងស្វាមីរស់នៅជាមួយជីវិតស៊ីវីល័យ ដោយសារប្រាក់បានមកពីសិល្បៈ និងជំនួញជាច្រើនក្នុងដៃ។ ពួកគេមានគេហដ្ឋានប្រណីតមួយកន្លែងក្នុងទីក្រុង New Orleans ព្រមទាំងអគារស្នាក់នៅប្រៀបដូចរាជវាំងតម្លៃ ៧លានដុល្លារនៅទីក្រុងញូវយ៉ក និងវីឡាតម្លៃ ៩០លានដុល្លារក្នុងតំបន់ Bel Air។ នេះមិនរួមបញ្ចូលយន្តហោះផ្ទាល់ខ្លួនជច្រើនគ្រឿង ថ្លៃចំណាយសម្រាប់ដំណើរកម្សាន្ត និងគ្រឿងតែងកាយថ្លៃផ្សេងៗផង។
១១. តារារ៉េប Drake
ទ្រព្យសរុបរបស់តារារ៉េបរូបនេះមាន ១ឥឥលានដុល្លារ ហើយលោកមានអចលនទ្រព្យតម្លៃ ២០លានដុល្លារ ស្ថិតនៅទីក្រុង តូរ៉ូនតូ។ ក្រៅពីនេះ លោកក៏កាន់កាប់ផ្ទះវីឡាដ៏ធំធ្វើពីឈើតម្លៃ ៨លានដុល្លារ។ ទីធ្លាខាងក្រៅរួមមានទាំងស្ពានឆ្លងទន្លេដ៏ធំ ឯក្នុងផ្ទះវិញមានបន្ទប់ហ្គេមធំអស្ចារ្យ កន្លែង បន្ទប់ដាក់ស្រា និងអាងហែលទឹក។
១២. Jennifer Lopez
ទ្រព្យសរុបរបស់ J.Lo ជិត ៤០០លានដុល្លារ។ នាងមានផ្ទះតម្លៃ ៤០លានដុល្លារ នៅតំបន់ Bel Air ទីក្រុង Los Angeles រួមជាមួយ Penthouse នៅទីក្រុងញូវយ៉កតម្លៃ ២៧ លានដុល្លារ និងនាវាកម្សាន្តផ្ទាល់ខ្លួនមួយដ៏ប្រណីត៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
