អង្គស្នួលបំបាក់ជ្រោយចង្វារញាក់សាច់ ដើម្បីឡើងវគ្គបន្តពាន Acleda Cup 2018

2018-09-02 05:54:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់សាខាស្រុកអង្គស្នួល–ឃុំបែកចានបានបំបាក់ក្រុមសាខាជ្រោយចង្វារ ដោយ លទ្ធផល ១២-០ ខណៈក្រុមសាខាឫស្សីកែវប្រកួតចាញ់ក្រុមផ្សារដើមថ្កូវ ៣-២ នៅក្នុងការប្រកួតបញ្ចប់ វគ្គសន្សំពិន្ទុតាមពូល កាលពីម្សិលមិញនេះនៅកីឡដ្ឋានវេស្ទើននៃព្រឹត្តិការណ៍ ACLEDA CUPរដូវកាល ២០១៨។

សកម្មភាព អង្គស្នួល និង ជ្រោយចង្វារ

១២គ្រាប់របស់ក្រុមស្រុកអង្គស្នួលធ្វើបានដោយដោយកីឡាករ ភុន រដ្ឋា ៥ គ្រាប់, ៤គ្រាប់រកបានដោយកីឡាករ ឈាន បូរ៉ា ២គ្រាប់ដោយកីឡាករ យ៉ង់ ស៊ីនាង ខណៈ១គ្រាប់បន្ថែមរកបានដោយកីឡាករ ចាន់ កក្កដា។ ក្រុមអង្គស្នួល៧ប្រកួតរបស់ខ្លួន ឈ្នះ៥ប្រកួត ស្មើ១ប្រកួត និងចាញ់ ១ប្រកួត ដែលធ្វើឲ្យក្រុមនេះបន្តកៅអីទៅប្រកួតបន្តនៅវគ្គខ្វែងពូលជាបន្តទៀត។ ចំពោះក្រុមខណ្ឌជ្រោយចង្វារ បានបញ្ចប់ការប្រកួតរបស់ខ្លួនហើយ មិនបានឡើងទៅប្រកួតវគ្គបន្តឡើយ ពោលគឺធ្លាក់ត្រឹមវគ្គសន្សំពិន្ទុក្នុងពូល B ដោយ៧ប្រកួតចាញ់ទាំង៧ប្រកួត។

ចំពោះ១ប្រកួតទៀតនៅកីឡដ្ឋានវេស្ទើនដដែលនេះ គឺក្រុមឫស្សីកែវចាញ់ក្រុមផ្សារដើមថ្កូវ ២ទល់៣ ប៉ុន្តែក្រុមទាំងពីរលេងបង្គ្រប់កិច្ចប៉ុណ្ណោះ ពីព្រោះពួកគេត្រូវបានធ្លាក់ចេញត្រឹមវគ្គជម្រុះក្នុងពូលA ដូចៗគ្នា។ នៅក្នុងការ ប្រកួតនៅវគ្គទី១ ក្រុមឫស្សីកែវបានបើកការនាំមុខ ២-០ ដែលរកបានដោយកីឡាករ ភន សុភ័ក្ត្រា និងកីឡា ករ អេង សុធា ប៉ុន្តែនៅវគ្គទី២ ក្រុមផ្សារដើមថ្កូវដណ្តើមបានលទ្ធផលដ៏ល្អឡើងវិញ ដោយរកបាន៣ គ្រាប់ ដែលធ្វើសម្រេចដោយកីឡាករ សានួន ភាវី និងកីឡាករ គុយ សម្បត្តិ ខណៈ១គ្រាប់ទៀត ជាគ្រាប់បាល់ Own Goal របស់ឫស្សីកែវ។

ដោយឡែក៣ប្រកួតផ្សេងទៀត នៅកីឡដ្ឋាន ផ្កាយសមុទ្រវិញ គឺក្រុមសាខាព្រែកតាមាក់យក ឈ្នះក្រុមសាខាពោធិ៍ចិនតុង នៅក្នុងលទ្ធផល ១៤-៣ សម្រាប់វគ្គសន្សំពិន្ទុក្នុងពូល B ដែល១៤គ្រាប់របស់ ក្រុមព្រែកតាមាក់ ធ្វើបានដោយកីឡាករ វុធ ដាវ៉ាត់, ចាន់ សក្កដា, គន់ សេរីសក្កដា, នេត សុវណ្ណៈ, សំ បូរី និងកីឡាករ លន់ឌំរដ្ឋា ខណៈ៣គ្រាប់របស់សាខាពោធិ៍ចិនតុង រកបានដោយកីឡាករ សូ វណ្ណៈ និងម៉ៅ ម៉េត។

ចំពោះក្រុមការិយាល័យកណ្តាល–គបានបំបាក់ក្រុមសាខាក្រុងភ្នំពេញ ២៤-១។ ជាមួយនឹងជ័យ ជម្នះនេះបានធ្វើឲ្យក្រុមការិយាល័យកណ្តាល–គ ឈ្នះ៤ប្រកួត និងស្មើ៣ប្រកួត ក្រោយឆ្លងកាត់៧ប្រកួត។ រីឯ ៧ប្រកួតរបស់ក្រុងភ្នំពេញ ឈ្នះ២ប្រកួត និងចាញ់៧ប្រកួត។

សម្រាប់ក្រុមព្រែកអញ្ចាញចាញ់ស្រុកឧត្តុង្គ ៥-២ ដែល២គ្រាប់ចាញ់របស់ក្រុមនេះរកបានដោយ កីឡាករ ចាយ ពិសិដ្ឋ , សន ចាន់ធូ ស្របពេល៥គ្រាប់របស់ស្រុកឧត្តុង្គរកបានដោយកីឡាករគង់ សេរីវុឌ្ឍ, ផាត ចាន់ថា, យ៉ន រិទ្ធី, ឌុល ពន្លឺ និងកីឡាករ ដារ៉ារិទ្ធ ពិសិដ្ឋសំឡង ហើយ២ក្រុមនេះបានធ្លាក់ចេញត្រឹមវគ្គ សន្សំពិន្ទុក្នុងពូលC ដូចៗគ្នា៕