Acleda Cup៖កំពង់ត្រឡាច យកឈ្នះការិយាល័យកណ្ដាល B ៤-២ មុនឡើងទៅវគ្គ១៦ក្រុម
- 2018-09-09 07:17:20
- ចំនួនមតិ 0 | ចំនួនចែករំលែក 0
Acleda Cup៖កំពង់ត្រឡាច យកឈ្នះការិយាល័យកណ្ដាល B ៤-២ មុនឡើងទៅវគ្គ១៦ក្រុម
ចន្លោះមិនឃើញ
ក្រុមបាល់ទាត់ ស្រុកកំពង់ត្រឡាច បានយកឈ្នះក្រុមបាល់ទាត់ការិយាល័យកណ្ដាល B ៤-២ ក្នុងជំនួបចុងក្រោយក្នុងពូល C របស់ខ្លួនដើម្បីឡើងទៅកាន់វគ្គ ១៦ ក្រុមចុងក្រោយក្នុងព្រឹត្តិការណ៍ពាន Acleda Cup 2018 ដែលបានប្រកួតកាលពីម្សិលមិញនេះនៅទីលានវេស្ទើន។
៤គ្រាប់របស់កំពង់ត្រឡាចធ្វើបានដោយកីឡាករ ស៊ុន ចាន់វិបុល, រ៉ឺម សៀកឡេង, ឌី ធនវឌ្ឍនា និង សាន់ បូសេង ម្នាក់១គ្រាប់ ស្របពេល២គ្រាប់របស់ការិយាល័យកណ្ដាល B រកបានដោយកីឡាករ រដ្ឋា វិសុទ្ធ និង កុយ កាណាដា ម្នាក់មួយគ្រាប់។ ពូលនេះគឺ កំពង់ត្រឡាចឡើងទៅវគ្គ ១៦ ក្រុមដោយឈ្នះទាំង ៧ ប្រកួតក្នុងចំណោម ៧ ប្រកួត រីឯការិយាល័យកណ្ដាល B បានធ្លាក់ចេញត្រឹមវគ្គនេះ ដោយឈ្នះ៤ស្មើ ១ និងចាញ់២ក្នុងចំណោម ៧ ប្រកួត។
នៅទីលាននេះដដែលគឺក្រុមដែលលេងបង្គ្រប់កិច្ចដូចគ្នាប្រចាំពូល D នោះគឺក្រុម សាខាចោមចៅបានចាញ់ក្រុម សាខាខេត្តកណ្ដាឡ៥-១ ដោយ១គ្រាប់របស់ចោមចៅរកបានដោយគ្រាប់បាល់ចូលទីខ្លួនឯងរបស់សាខាខេត្តកណ្ដាល ស្របពេល៥គ្រាប់របស់សាខាខេត្តកណ្ដាលរកបានដោយកីឡាករ តុប និរ័ត្ន ៣គ្រាប់ ឆឹង ប៊ុនណារ៉ូ និង ម៉ាក ទិត្យ ម្នាក់១គ្រាប់។ ក្រុមទាំងពីរនេះគឺធ្លាក់ចេញពីព្រឹត្តិការណ៍ខាងលើដូចគ្នា ដោយចោមចៅឈ្នះ១ចាញ់៤ ស្មើ១ក្នុងចំណោម ៦ ប្រកួត ស្របពេល សាខាខេត្តកណ្ដាលឈ្នះ ៣ ចាញ់៤ ក្នុងចំណោម ៧ ប្រកួត។
ចំណែកនៅទីលានស្កាយសមុទ្រឯនោះវិញក៏មានការប្រកួតចំនួនពីរគូផងដែរ ដោយក្រុមម៉ៅសេងទុង ចាញ់ក្រុមស្រុកបាទី ៤-០ ដែល៤គ្រាប់របស់ស្រុកបាទីរកបានដោយកីឡាករ ណុន សារី ២ គ្រាប់ អៃ សំអូន និង ផេង សុភឿន ម្នាក់១គ្រាប់។ សម្រាប់ស្រុកបាទី៧ប្រកួតឈ្នះ៥ចាញ់២ ខណៈក្រុមម៉ៅសេងទុង ឈ្នះ១ចាញ់៦ក្នុងចំណោម ៧ ប្រកួត។
នៅទីលាននេះដដែលមួយគូទៀតគឺក្រុមទួលគោកចាញ់ស្រុកឧដុង្គ ៤-២ ដែល២គ្រាប់របស់ទួលគោករកបានដោយកីឡាករ អ៊ុច សុភឹន និង ភឹន ផលគុណ រីឯ៤គ្រាប់របស់ស្រុកឧត្ដមរកបានដោយកីឡាករ គង់ សេរីវឌ្ឍនា៣គ្រាប់ និងអ៊ុំ មករា ១គ្រាប់។ សម្រាប់ទួលគោកបានធ្លាក់ត្រឹមវគ្គសន្សំពិន្ទុពូល C នេះហើយ ដោយឈ្នះ៣ ចាញ់៤ក្នុងចំណោម ៧ប្រកួត ស្របពេលក្រុមស្រុកឧដុង្គក៏ធ្លាក់ដូចគ្នាដោយ ៧ប្រកួតឈ្នះ២ស្មើ២ចាញ់៣៕