Andy Lau ទម្លាយអាថ៌កំបាំង សម្រស់មិនចេះចាស់របស់ខ្លួន

2018-10-08 04:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្ងៃទី ២៧ ខែកញ្ញា គឺជាថ្ងៃដែលតារាសម្ដែង Andy Lau ចម្រើនវ័យគម្រប់ ៥៧ ឆ្នាំ។ ធំធាត់ឡើង និងដឹងក្ដីជាមួយអ្នកគាំទ្ររបស់លោកជិត ៤ ទសវត្សមកនេះ តារាសម្ដែងជើងចាស់ Andy Lau ចម្រើនវ័យក៏កាន់តែច្រើន។

ជាការពិតណាស់ ភាពចាស់គឺជាវិវដ្ដកាលនៃជីវិតរបស់មនុស្ស ប៉ុន្តែប្រសិនបើពួកយើងចេះថែរក្សាវាឲ្យបានល្អ នោះរូបសម្រស់របស់យើងនឹងមិនសូវវិវដ្ដទៅតាមអាយុឡើយ។ ជាក់ស្ដែងដូចជាតារាសម្ដែង Andy Lau ទោះបីជាវ័យរបស់លោកកាន់តែច្រើនហើយក្ដី ប៉ុន្តែរូបសម្រស់របស់លោកហាក់នៅតែក្មេងសង្ហាដូចកាលពីមុនដូច្នោះដែរ។

ជាមួយនឹងគន្លឹះនៃការថែរក្សាសម្រស់ តារាសម្ដែងរូបនេះ បានទម្លាយថា លោកអាចរក្សាភាពក្មេងជាងវ័យបាន ដោយការតមអាហារ និងធ្វើលំហាត់ប្រាណ។ លោកព្យាយាមរក្សាទម្ងន់របស់លោកឲ្យនៅត្រឹម ៦៧ គីឡូក្រាម ដោយហាត់ពត់ពែនខ្លួនជារៀងរាល់ថ្ងៃ។ ជាធម្មតា លោកតែងតែក្រោកនៅម៉ោង ៨ ព្រឹក និងគេងនៅម៉ោង ១១ យប់។

តារាសម្ដែងរូបនេះ បានបន្តទៀតថា អាហារពេលព្រឹកគឺសំខាន់ណាស់សម្រាប់លោក ហើយវាត្រូវតែប្រកបដោយជាតិសរសៃ និងប្រូតេអ៊ីន។ សម្រាប់អាហារថ្ងៃត្រង់ និងពេលល្ងាច លោកទទួលទានអាហារណាដែលមានជាតិកាឡូរីតិច ដូចជាបន្លែ ផ្លែឈើអីជាដើម។ ចំពោះភេសជ្ជៈវិញ លោកចូលចិត្តទទួលទាន កាហ្វេដោយមិនដាក់ទឹកដោះគោ ឬស្ករឡើយ ហើយក្រៅពីកាហ្វេ លោកក៏ចូលចិត្តទទួលទានទឹកផ្លែឈើស្រស់ៗផងដែរ៕

ប្រភព៖ jaynestars ប្រែសម្រួល៖ អន សុភក្ត្រា