ស៊ុត២គ្រាប់ភ្លាម ក្លឹបជើងឯកម៉ាល់តាចង់បាន Usain Bolt

2018-10-16 08:43:30
ចំនួនមតិ 0 | ចំនួនចែករំលែក 0

ចន្លោះមិនឃើញ

Usain Bolt បានទទួលការចាប់អារម្មណ៍យ៉ាងខ្លាំងក្រោយអាចស៊ុតបញ្ចូលទី២គ្រាប់ម្នាក់ឯងក្នុងការប្រកួតកម្ដៅសាច់ដុំដែល Central Coast Mariners យកឈ្នះ Macarthur South West ៤ទល់នឹង០។

អតីតកីឡាកររត់ប្រណាំងដ៏ល្បីល្បាញរូបនេះបានព្យួរស្បែកជើង ហើយចាប់អាជីពជាកីឡាករបាល់ទាត់វិញដោយធ្លាប់ហ្វឹកហាត់ជាមួយ Dortmund របស់អាល្លឺម៉ង់ហើយបច្ចុប្បន្នកំពុងធ្វើតេស្តសមត្ថភាពនៅអូស្ត្រាលីជ្រកកោនជាមួយCentral Coast Mariners។

ក្រោយស៊ុតបាន២គ្រាប់ Bolt ត្រូវក្លឹបជើងឯកនៃប្រទេសម៉ាល់តាឈ្មោះ Valletta FC ចាប់អារម្មណ៍និងចង់ផ្ដល់កុងត្រាបាល់ទាត់អាជីពឲ្យបើសិនសាមីខ្លួនព្រមទៅលេងទីនោះ។ ប្រធានក្លឹប Mariners បានហៅការទាក់ទងរបស់ Valletta FC ជាការចង់បានប្រជាប្រិយភាព និងថា Bolt មិនទាន់ផុតកុងត្រាជាមួយ Mariners នៅឡើយ។

គួរបញ្ជាក់ថា Bolt មានរហស្សនាមថាស្ដេចល្បឿនធ្លាប់ឈ្នះមេដាយមាសអូឡាំពិកចំនួន៨គ្រឿងក្នុងអាជីពរត់ប្រណាំងរបស់ខ្លួន៕