ទម្លាយឲ្យដឹងតែម្ដង ប្រភពលុយ ងួន សុបិន្ត ចាយទិញរថយន្តថ្មីជិត ៤ម៉ឺនដុល្លារអាមេរិកថ្មីៗ

2018-10-17 03:29:48
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាកំប្លែង និងជាអ្នកនិពន្ធ ងួន សុបិន្ត បានឡើងស៊េរីរថយន្តពី Highlander ទៅ Lexus GX470 ដែលមានតម្លៃជិត ៤ម៉ឺនដុល្លារអាមេរិកឯណោះ។ តើសិល្បករ ដែលធ្លាប់មានប្រវត្តិកម្សត់កម្រនេះ មានប្រភពទុនពីណាមកខ្លះ?

“បាទបង មួយផ្នែកបានពីលក់រថយន្តចាស់ មួយផ្នែកទៀតបានពីការងារសិល្បៈ និងមួយផ្នែកទៀតបានពីការងាររៀលអ៊ីសស្តេត ECC”។ ងួន សុបិន្ត ថ្លែង។

លោក ងួន សុបិន្ត ទើបបានឡើងស៊េរីរថយន្តកាលពីមុនបុណ្យភ្ជុំបិណ្ឌកន្លងទៅ បន្ទាប់ពីលក់រថយន្តចាស់របស់លោក Highlander បានចំនួន ១៣ ៥០០ដុល្លារអាមេរិក។ លោកបានបន្ថែមលុយចំនួន ២៥ ៥០០ដុល្លារទៀត ដើម្បីបង្គ្រប់រថយន្តលិចស៊ីសខាងលើ ដែលលោកអះអាងថា លួចស្រឡាញ់យូរមកហើយ។ ម្យ៉ាងរថយន្តថ្មីនេះ មានទំហំធំ ងាយស្រួលក្នុងដឹកជញ្ជូនសំលៀកបំពាក់ និងរបស់ប្រើប្រាស់ផ្សេងៗ ពេលចេញសម្ដែង។

រថយន្តថ្មីរបស់តារាកំប្លែង ងួន សុបិន្ត

ខ្ទង់លុយបន្ថែមខាងលើ សុបិន្ត បញ្ជាក់ថា បានមកពីប្រភព២ផ្នែក ក្នុងនោះ ពីការងារសិល្បៈប្រមាណជា ៣០% និង៧០% ទៀតបានពីការងាររៀលអ៊ីសស្តេត ដែលលោកបានចូលរួមក្នុងជាមួយក្រុមហ៊ុន ECC ជាមួយមិត្តភ័ក្ដិសិល្បករផ្សេងទៀតមាន តារាចម្រៀង គូម៉ា ឌីជេកាកា និងប៊ីអាយជី។

និយាយពីការងារសិល្បៈ ងួន សុបិន្ត គឺជាអ្នកនិពន្ធ និងសម្ដែងដែលបានប្រឡូកអស់ពេលប្រមាណ ជាង ១០ឆ្នាំមកហើយ។ លោកត្រូវបានគេស្គាល់កាន់តែច្រើន តាមរយៈការសម្ដែងភាពយន្តជាតួកំប្លុកកំប្លែង ពិសេសការបង្ហាញវត្តមានក្នុងក្លឹបកំប្លែង "ដូច្នឹងផង" ស្ទើរគ្រប់ឃ្លិបទាំងអស់ នារយៈកាលប្រមាណ១ឆ្នាំចុងក្រោយ។

រូបភាព៖ ហ្វេសប៊ុក សុបិន្ត

យ៉ាងនេះក្ដី សុបិន្ត បញ្ជាក់ថា នេះមិនមែនជាចំណូលសិល្បៈធំរបស់លោកទេ ពោលគឺចំណូល ៣០% ពីសិល្បៈ ដែលលោកបានប្រើដើម្បីទិញរថយន្តថ្មីនោះ បានមកពីប្រភពផ្សេងៗទៀត ក្នុងនោះ មានចំណូលពីការផលិតឃ្លិប សរសេរបទចម្រៀង និងការធ្វើ Ringtone ខ្លះទៀត។

"និយាយទៅពីនេះតិច ពីនោះបន្តិច វាមិនជាអីធំដុំទេ គ្រាន់តែចិញ្ចឹមឆ្នាំង គ្រាន់ទិញអង្ករ...យើងខ្ជិលធ្វើស្រែអីចឹងហើយ ចេះតែអង្គុយធ្វើនេះបន្តិចធ្វើនោះបន្តិចអីចឹងទៅ(សើច!)៕

អត្ថបទ៖ ទារិកា