Kim Kardashian និង Kanye West ចែកស្បែកជើងម៉ាក Yeezy រាប់សិបគូឲ្យក្មេងៗនៅ Uganda

2018-10-17 08:39:39
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃច័ន្ទ ទី ១៦ ខែតុលាកន្លងទៅនេះ តារាទូរទស្សន៍ Kim Kardashian និង ស្វាមីរបស់នាង Kanye West បានចាប់ដៃគ្នា ចែកស្បែកជើងកីឡាម៉ាក Yeezy ជាច្រើនគូ ទៅឲ្យកុមារតូចៗ អំឡុងពេលធ្វើដំណើរកម្សាន្តលក្ខណៈគ្រួសារទៅកាន់ប្រទេស Uganda។

តារាទូរទស្សន៍វ័យ ៣៧ ឆ្នាំ និងស្វាមីរបស់នាង បានសម្រាកពីការងារដ៏មមាញឹករបស់ពួកគេ ដើម្បីចំណាយពេលកម្សាន្តសប្បាយ និងផ្ដល់អំណោយយ៉ាងពិសេសទៅដល់ក្មេងៗជាច្រើនក្នុងប្រទេស Uganda។

បើតាមវីដេអូដែលបានបង្ហោះលើគណនី Instagram របស់តារាទូរទស្សន៍ Kim Kardashain ផ្ទាល់ បានបង្ហាញឲ្យឃើញពីទិដ្ឋភាពនៅប្រទេសប៉ែកអាហ្វ្រិកមួយនេះ និងសកម្មភាពក្មេងៗតូចៗជាច្រើន បាននាំគ្នាច្រៀង និងរាំ ខណៈប្ដីប្រពន្ធតារាមួយគូនេះ បានទៅដល់។ ក្នុងវីដេអូនោះដែរ ក៏បានបង្ហាញពីកញ្ចប់ថង់ដាក់ស្បែកជើង Yeezy ជាច្រើនគូ ដែលទុកសម្រាប់ចែកជូនក្មេងៗទាំងនោះផងដែរ។

គួរបញ្ជាក់ដែរថា ការចែកអំណោយទាំងនេះ គឺបានធ្វើឡើង ក្រោយពួកគេបានអញ្ជើញចូលសួរសុខទុក្ខប្រធានាធិបតីរបស់ប្រទេសនេះ ហើយក៏បានជូនស្បែកជើង Yezzy មួយគូទុកជាវត្ថុអនុស្សាវរីយ៍ផងដែរ៕