ច្រើនសន្លឹក សុខ សោម៉ាវត្ដី កាន់ដៃ យ៉ារ៉ូ ទៅមើលកុនគ្មានខ្វល់ពីចិត្ត លី វ៉ាហេទ អីបន្តិច

2018-10-19 02:42:53
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង សុខ សោម៉ាវត្ដី ដឹកដៃកំលោះសង្ហា វី យ៉ារ៉ូ ទៅមើលកុននៅរោងភាពយន្ត Legend (អេដិនហ្គាដិន)កាលពីរសៀលម្សិលមិញ ដោយគ្មានខ្វល់ពីចិត្ត លី វ៉ាហេទ ដែលល្បីថាជាគូស្នេហ៍ស្រឡាញ់គ្នាជាង១ឆ្នាំអីបន្តិច។

សុខ សោម៉ាវត្ដី ថា មូលហេតុដែលខ្លួនកាន់ដៃ យ៉ារ៉ូ ទៅមើលកុនជាមួយគ្នាគ្មានខ្វល់ពីចិត្ត វ៉ាហេទ ដោយសារតែចង់ទៅពញ្ញាក់អារម្មណ៍ហ្វេនៗដែលកំពុងតែអង្គុយទស្សនារឿង"កែវវេទមន្ត" យ៉ាងជក់ចិត្តត្រង់ឈុតឆាកមួយនាង ត្រូវថ្នាំសម្រើបហើយចាប់រំលោភ យ៉ារ៉ូ ដល់ថ្នាក់រហែកអាវ។

នាងថា៖“ដើម្បីបំពេញចិត្តហ្វេនៗដែលមកទស្សនារឿង"កែវវេទមន្ត" ខ្ញុំនិង យ៉ារ៉ូ ត្រូវសម្ដែងកាន់ដៃគ្នាធ្វើឲ្យផ្អែមល្ហែម ព្រោះចង់ឲ្យពួកគាត់ភ្ញាក់ផ្អើលគ្មានអ្វីលើសពីហ្នឹងទេ ហើយខ្ញុំក៏អត់ខ្លាចចិត្ត វ៉ាហេទ ទំនាក់ទំនងខ្ញុំ និងគាត់ក្នុងនាមជាបងប្អូនមិត្តភ័ក្ដិប៉ុណ្ណោះ"។

ក្រោយពីឃើញវត្តមានតួឯកប្រុសស្រីក្នុងរឿង"កែវវេទមន្ត" បង្ហាញខ្លួនយ៉ាងភ្ញាក់ផ្អើលនៅរោងកុនភ្លាមបានធ្វើយ៉ាងច្រើនកុះករនាំគ្នាស្រែកហ៊ោយ៉ាងខ្លាំងដោយមិននឹកស្មានថា បានជួបរូបពិតIdol ទាំងពីរដូច្នេះសោះ។

"កែវវេទមន្ត" គឺជាប្រភេទភាពយន្តបែបរ៉ូមែនទិកលក្ខណៈកំប្លែងនិយាយអំពីការរស់នៅបែបជីវិតសាមញ្ញៗបង្កប់ទៅដោយអត្ថន័យអប់រំជាច្រើនដល់ពុកម៉ែបងប្អូនទស្សនិកជន។ ដោយដាក់បញ្ចាំងនៅគ្រប់រោងភាពយន្តទំនើបៗនៅរាជធានីភ្នំពេញ សៀមរាប បាត់ដំបង ចាប់ពីថ្ងៃនេះទៅហើយ។ ចូលរួមសម្ដែងដោយ យ៉ារ៉ូ សុខ សោម៉ាវត្ដី ស៊ឹម ស្រីនិច ទឹម វ៉ាយុ Joseph ព្រមទាំងតារាសម្ដែងប្រុសស្រីជាច្រើនរូបទៀត៕