Leonardo ប្រាប់មូលហេតុជ្រើសក្រោន បោះបង់ឱកាសដឹកនាំជម្រើសជាតិនៅអាស៊ី

2018-10-24 08:02:48
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Leonardo មកដឹកនាំក្រុមភ្នំពេញក្រោន ដោយចិត្តស្រលាញ់ពិតប្រាកដ ខណៈដែលមុនពេលមកដឹកនាំក្រោននេះ មានក្លឹបនិងជម្រើសជាតិមួយចំនួនក៏ទាក់ទងលោកដែរ។

ក្នុងសន្នីសីទកាសែតមុននេះ លោក leo បានបង្ហើបថាមានតែថ្នាក់ដឹកនាំក្រោនទេ ដែលនៅទាក់ទងលោក អំឡុងពេលដែលលោកបានចាកចេញពីប្រទេសកម្ពុជា។ មួយវិញទៀត ដោយសារតែចិត្តទឹកចិត្តអ្នកគាំទ្រកម្ពុជា ចង់ឱ្យលោកមកដឹកនាំក្រុមវិញផងនោះ ទើបលោកសម្រេចមកវិញ ដើម្បីបំពេញតាមបំណងរបស់លោក។ អតីតគ្រូបង្វឹកក្រុមនៅឡាវរូបនេះ បានបញ្ជាក់ថា មានក្លឹបច្រើនដែលបានទាក់ទងមកលោក ដើម្បីទៅដឹកនាំ ប៉ុន្តែដោយសារតែជាប់ចិត្តនឹងកម្ពុជាទៅហើយ ទើបលោកមិនព្រមទៅដឹកនាំក្រុមទាំងនោះ។

Leo បន្ថែមទៀតថា ការងាររបស់លោក នៅទឹកដីកម្ពុជា មិនទាន់ចប់ ទើបធ្វើឱ្យចិត្តមិនអាចកាត់ផ្ដាច់ពីទឹកដីសុវណ្ណភូមិនេះបាន។ ត្រូវតែមក ដើម្បីជួយយុវជនបាល់ទាត់កម្ពុជា ឱ្យសម្រេចក្ដីស្រមៃរបស់ពួកគេ៕

អត្ថបទ៖ មុន្នីរម្យ