Leonardo ផ្ដាំអ្នកគាំទ្រម្ដងទៀត ឈប់ហៅកីឡាករមិនទាន់ឈ្នះអី ថាជា Idol Idol Idol ទៅ

2018-10-24 08:16:28
ចំនួនមតិ 0 | ចំនួនចែករំលែក 0

ចន្លោះមិនឃើញ

Leonardo បាននិយាយម្ដងហើយ ម្ដងទៀត ផ្ដាំទៅអ្នកគាំទ្រនៅកម្ពុជាថា កុំហៅកីឡាករម្នាក់ថាជា Idol Idol Idol ទៅ បើសិនជាពួកគេមិនទាន់ឈ្នះអ្វីសោះនោះ។

មិនខុសពីលើកមុនឡើយ Leonardo និយាយមិនលាក់លៀមឡើយ។ លោក បានស្នើដល់អ្នកគាំទ្រនៅកម្ពុជាទាំងអស់ ឱ្យឈប់សរសើរ ហៅកីឡាករថាជា Idol Idol អីទៀតទៅ ប្រសិនបើពួកគេមិនទាន់ឈ្នះអ្វីនោះ។ លោកមើលឃើញថា កីឡាករកម្ពុជាតែងតែបង្ហោះលើបណ្ដាញសង្គមនៅពេលចាញ់ការប្រកួត ហើយអ្នកគាំទ្រតែងតែចូលទៅ cmt ថា មិនអីទេ Idol Idol ធ្វើបានល្អហើយ មិនអីទេ មិនអីទេ។ ទាំងអស់នេះ គឺជារឿងមិនត្រឹមត្រូវឡើយ លោក Leo ចង់ឱ្យកីឡាករចេះតាំងចិត្ត ខឹងពេលលេងចាញ់ ដើម្បីឱ្យលេងឱ្យឈ្នះវិញ មិនមែនគិតតែ Idol idol ឡើយ។

ដូច្នេះហើយ លោកនៅតែអះអាងថាសុំអ្នកគាំទ្រឈប់ហៅកីឡាករ ថាជា Idol Idol អីទៀតទៅ។ Idol លុះត្រាតែពួកគេមានសមិទ្ធផលខ្លះ មានមហិច្ឆតាចង់ឈ្នះខ្លះ ដើម្បីសម្រេចគោលដៅពិតប្រាកដ ទើបសមជា Idol របស់អ្នកគាំទ្រ៕

អត្ថបទ៖ មុន្នីរម្យ