មង្គលការរៀបចំយ៉ាងឱឡារិក តែ Janie មិនចេញលុយសូម្បី ១បាត

2018-10-27 03:42:58
ចំនួនមតិ 0 | ចំនួនចែករំលែក 0

ចន្លោះមិនឃើញ

មង្គលការរបស់ Janie និង Mickey ទើបតែបញ្ចប់ទៅកាលពីសប្ដាហ៍មុន ដោយបានប្រព្រឹត្តិទៅយ៉ាងឱឡារិក ពិសេសមានភ្ញៀវចូលរួមរាប់រយនាក់ទាំងថ្ងៃទីមួយ ពិសេសថ្ងៃទីពីរដែលធ្វើឡើងនៅលើកោះសាមុយ។ ពិធិមង្គលការរៀបចំឡើងយ៉ាងគគ្រឹកគគ្រេងបែបនេះ ពិតណាស់មានមហាជនជាច្រើនចង់ដឹងថា ពីការចំណាយពីក្រោយ។

ទាក់ទងនឹងបញ្ហានេះ ក៏ស្រាប់តែមានមតិមួយចំនួនលេចឡើងថា Janie ជាអ្នកចំណាយលុយពីហោប៉ៅខ្លួនឯងគ្រប់យ៉ាងដើម្បីរៀបចំពិធីទាំងមូល ព្រោះគ្រាន់តែផ្កាសម្រាប់លម្អរោងពិធីមានតម្លៃខ្ទង់លានបាតទៅហើយ។ ប៉ុន្តែអ្វីគ្រប់យ៉ាងបានស្ងប់ទៅវិញ ក្រោយ Janie សម្រេចចេញមុខបកស្រាយពីក្រោយការចំណោយលើ Instagram។

សារនោះ ភរិយា Mickey បានសរសេរថា៖ "មានសំណួរ សួរច្រើនទាក់ទងនឹងថ្លៃដែលបានចំណាយក្នុងមង្គលការនេះ Janie សុំអនុញាតិយកវេលានេះដើម្បីតបនូវសំណួរទាំងនោះណាចា៎។ ដំបូងចង់ជម្រាបថា Janie គឺជានារីម្នាក់ដែលសំណាងបំផុត អ្នកម៉ាក់ និងលោកប៉ារបស់ Mickey មិនបានឲ្យ Janie ចំណាយលើអ្វីទាំងអស់ តាំងតែវិនាទីដំបូងនៃពិធីមង្គលការ និងសូម្បីឈុតរៀបការក៏ដោយ។ ភាពជាសុភាពបុរសពិតៗរបស់ Mickey បានធ្វើឲ្យ Janie មិនបានចេញលុយសូម្បីតែមួយបាត”។

ជាចុងបញ្ចប់ តារាស្រីរូបនេះក៏បានបន្ថែមទៀតថា៖ "សូមអរគុណអ្នកគ្រប់គ្នាដែលបានផ្ដល់ក្ដីមេត្តាចូលរួមក្នុងពិធីរៀបការនេះ។ យើងទាំង ២ យកបេះដូងពិតរៀបចំពេលវេលាដ៏មានន័យ ហើយជាមួយក្ដីស្រឡាញ់សម្រាប់ពិធីនេះ គឺជារូបភាពដែលត្រូវចងចាំជារៀងរហូត"៕